Захар Слепцов: «Успуорт миигин олоххо төннүннэрдэ»

Урут көҥүл тустуунан дьарыктаммыт анал байыаннай дьайыы кыттыылааҕа Захар Слепцов демобилизацияламмытын кэнниттэн остуол тенниһинэн үлүһүйбүт.

Бэтэрээн этэринэн, оҕо эрдэҕиттэн успуорт кини олоҕор ураты миэстэни ылар. Кини ыарахан бааһырыытын кэннэ күннээҕи олоххо төннөргө чопчу успуордунан дьарыктанара көмөлөспүт.

«Успуордунан дьарыктаныы доруобуйаны чөлүгэр түһэрэринэн эрэ буолбакка, киһи уйулҕатын өрө көтөҕөр. Оттон оҕолору кытта бодоруһуу — бу билиини, уопуту тиэрдэргэ, кинилэргэ эйэлээх олоххо сыаннастарын уонна Ийэ дойдуну көмүскүүр суолтатын өйдүүргэ көмөлөһөр кыах биэрэр. Бэйэм уопуппун кытта үллэстэн атыттары көҕүлүүрбүттэн олус диэн үөрэбин, — диир Захар.

Байыаска хара маҥнайгыттан «Аҕа дойдуну көмүскээччилэр» пуонда филиалыгар көмөлөспүттэр.
«Захар успуордунан умсугуйан дьарыктанан, атын бэтэрээннэри успуорка көҕүлүүр. Ааспыт сыл ахсынньытыгар күрэхтэһиигэ кыттан призер буолбута. Захар элбэх ситиһиилэрдээх», – диэн Саха сиригэр «Аҕа дойдуну көмүскээччилэр» пуонда филиалын социальнай координатора Евгения Каменяр бэлиэтээтэ.Сиһилии манна аах.