“Земскэй учуутал” бырагыраамаҕа докумуону тутан бүттүлэр

Бу сыл муус устар 15 күнүнэн тыа сирин нэһилиэнньэлээх пууннарыгар, оробуочай бөһүөлэктэргэ, куораттыы тииптээх бөһүөлэктэргэ эбэтэр 50 тыһ. диэри нэһилиэнньэлээх куораттарга көһөн үлэлии барар учууталларга көрүллэр биир кэмнээх төлөбүр куонкуруһугар (“Земскэй учуутал”) докумуоннары ылыы түмүктэннэ.

“Земскэй учуутал” бырагыраама порталыгар Тыва, Дагестан, Бурятия, Алтай, Саха Өрөспүүбүлүкэлэриттэн, Амур уобалаһыттан, Москва куораттан, дойду о.д.а. эрэгийиэннэриттэн 319  сайаапка киирбит.

Эрэгийиэннээҕи оператор сурунаалыгар Тыва, Дагестан, Бурятия, Алтай, Саха, Башкортостан Өрөспүүбүлүкэлэриттэн, Москва куораттан, Иркутскай уобаластан, о.д.а. сирдэртэн 98 кыттааччы 98 докумуон бакыаты киллэрбит.

2023 сыллааҕы вакансия испииһэгэ:

1. Горнай улууһун Кэптин орто оскуолата, математика (физика) учуутала, 26 чаас, 5 сайаапка киирбит, 2 киһи докумуонун биэрбит;
2. Таатта улууһун Г.В.Егоров аатынан Хара Алдан орто оскуолата, алын кылаас учуутала, 25 чаас, 59 сайаапка киирбит, 18 киһи докумуонун туттарбыт;
3. Уус Алдан улууһун Суотту орто оскуолата, математика учуутала, 22 чаас, 12 сайаапка киирбит, 4 киһи докумуонун туттарбыт;
4. Уус Маайа улууһун Уус Маайа орто оскуолата, нуучча тылын уонна литэрэтиирэтин учуутала, 20 чаас, 17 сайаапка киирбит, 6 киһи докумуонун туттарбыт;
5. Ленскэй улууһун Ньүүйэ орто оскуолата, англия тылын (ньиэмэс тыла) учуутала, 24 чаас, 18 сайаапка киирбит, 10 киһи докумуонун туттарбыт;
6. Мииринэй улууһун 4-с нүөмэрдээх орто оскуолата, нуучча тылын уонна литэрэтиирэтин учуутала, 35 чаас, 21 сайаапка киирбит, 12 киһи докумуонун туттарбыт;
7. Өлүөхүмэ улууһун И.Я.Филиппов аатынан Хоро орто оскуолата, математика учуутала, 20 чаас, 8 сайаапка киирбит, 2 киһи докумуонун туттарбыт;
8. Бүлүү улууһун И.Н.Ханды аатынан Тылгыны орто оскуолата, нуучча тылын уонна литэрэтиирэтин учуутала, 18 чаас, 7 сайаапка киирбит, 3 киһи докумуонун туттарбыт;
9. Ньурба улууһун К.Д.Уткин аатынан Марха орто оскуолата, биология уонна химия учуутала, 22 чаас, 15 сайаапка киирбит, 4 киһи докумуонун туттарбыт;
10. Сунтаар улууһун В.Г.Акимов аатынан Бүлүүчээн лиссиэй-интэринээтэ, нуучча тылын уонна литэрэтиирэтин учуутала, 26 чаас, 6 сайаапка киирбит, 4 киһи докумуонун туттарбыт;
11. Алдан улууһун Аллараа Кураанах бөһүөлэгин 4-с нүөмэрдээх орто оскуолата, математика учуутала, 36 чаас, 10 сайаапка киирбит, 4 киһи докумуонун туттарбыт;
12. Нерюнгри улууһун Серебрянай Бор бөһүөлэгин 14-с нүөмэрдээх орто оскуолата, математика уонна информатика учуутала, 18 чаас, 5 сайаапка киирбититтэн биир аккаастаммыт, 2 киһи докумуонун туттарбыт;
13. Өлөөн эбэҥки национальнай улууһун Х.А.Христофоров аатынан Харыйалаах орто оскуолата, математика учуутала, 22 чаас, 11 сайаапка киирбит, 3 киһи докумуонун туттарбыт;
14. Томпо улууһун Хаандыга орто оскуолата, математика учуутала, 20 чаас, 8 сайаапка киирбит, 2 киһи докумуонун туттарбыт;
15. Хаҥалас улууһун Үөдэй орто оскуолата, физика уонна информатика учуутала, 18 чаас, 11 сайаапка киирбит, 3 киһи докумуонун туттарбыт;
16. Чурапчы улууһун Р.И.Константинов аатынан Амма орто оскуолата, химия уонна биология учуутала, 20 чаас, 12 сайаапка киирбит, 5 киһи докумуонун туттарбыт;
17. Аллайыаха улууһун Оленегорскай орто оскуолата, нуучча тылын уонна литэрэтиирэтин учуутала, 24 чаас, 11 сайаапка киирбит, 2 киһи докумуонун туттарбыт;
18. Амма улууһун П.И.Караканов аатынан Мээндиги орто оскуолата, математика учуутала, 18 чаас, 10 сайаапка киирбит, 2 киһи докумуонун туттарбыт;
19. Үөһээ Бүлүү улууһун Боескоровтар ааттарынан Сургуулук орто оскуолата, математика учуутала, 22 чаас, 6 сайаапка киирбит, 3 киһи докумуонун туттарбыт;
20. Муома улууһун Н.С.Тарабукин аатынан Улахан Чыыстай орто оскуолата, биология уонна химия учуутала, 18 чаас, 9 сайаапка кирбит, 2 киһи докумуонун туттарбыт;
21. Кэбээйи улууһун Сииттэ орто оскуолата, нуучча тылын уонна литэрэтиирэтин учуутала, 20 чаас, 16 сайаапка киирбит, 3 киһи докумуонун туттарбыт;
22. Булуҥ улууһун Хара Уулаах орто оскуолата, математика учуутала, 30 чаас, 8 сайаапка киирбит, 2 киһи докумуонун туттарбыт.

Санатан эттэххэ, 2023 сыл муус устар 16-30 күннэригэр сүүмэрдиир куонкурус иккис түһүмэҕэ буолар – эспиэрдэр ирдэбилгэ олоҕуран, кыттааччылар киллэрбит докумуоннарын сыаналыыллар, хас биирдии кыттааччыга баал туруораллар, аналитическай матырыйааллары бэлэмнииллэр уонна баалларын учуоттаан эриэйтин таһаараллар. 2023 сыл ыам ыйын 1-15 күннэригэр куонкурус кыайыылаахтарын быһаарыахтара, илии баттыахтара, эриэйтин түмүгүнэн кыайыылаахтарга иһитиннэриилэрии ыытыахтара. Бу туһунан Үөрэх уонна билим министиэристибэтин саайтыгар суруллар.