Жатай-Төхтүр хайысханан таһаҕаһы тиэйиини тохтотуу алтынньы 31 күнүгэр диэри уһаата

Жатай-Төхтүр хайысханан таһаҕаһы тиэйиини тохтотуу быһа холоон алтынньы 31 күнүгэр диэри уһаата СӨ Тырааныспарга министиэристибэтэ бүгүн, алтынньы 30 күнүгэр, иһитиннэрдэ.

Тиэйиини Жатай диэки болдьоҕун иннинэ саҕаламмыт муус хойуутук туруутуттан сылтаан тохтоттулар. Былырыын муус сэтинньи 10 күнүгэр турбута, 2022 сылга — сэтинньи 8-9 күннэригэр, 2021 сылга — сэтинньи 12 күнүгэр.

«Муус тоҥноҕуна ледокол арыаллаах суудуналара сылдьыахтара. Балаһыанньаны күннэтэ кэтииллэр, күн устатыгар уларыйыы тахсыан сөп», — диэн министиэристибэ иһитиннэрэр.

Сиһилии «ЛОРП» нүөмэригэр эрийэн билсиэххэ сөп:  (4112) 40-80-09, доб. 12-31, +7 914 104-29-71.