"Помоги выжить" пуун устубут видеотыттан хаартыска ылылынна
Бу күннэргэ Жатай бөһүөлэгэр алабай боруодалаах ыт оҕолоох дьахтарга саба түспүтүн туһунан сурах тарҕаммыта. Ыкка былдьаммат дьолугар дьахтар элбэх кыбартыыралаах дьиэ подъеһыгар куотан быыһаммыт. Дьахтар тута олохтоох полиция салаатыгар сайабылыанньа суруйбут.
Бу кэннэ тута СӨ Бэтэринээрийэҕэ департаменын иниспиэктэрдэрэ уонна Жатай бөһүөлэгин дьаһалтатын үлэһиттэрэ буолан, ыт саба түспүт сирин көрө-истэ сылдьыбыттара. Ол эрээри манна кинилэр көҥүл айбардыы сылдьар алабай ыты булбатахтар.
Билиҥҥи туругунан, алабай боруодалаах ыт ууга тааһы бырахпыттыы сүттэ. Хаһаайыттара айдаан тахсыбытыгар ыттарын хаайан кэбиспит буолуохтарын сөп. Бу туһунан СӨ Бэтэринээрийэҕэ департамена маннык эппиэти биэрдэ:
— Иниспиэктэрдэрбит Жатайдааҕы бэтэринээринэй пуунтан хас алабай боруодалаах ыт бөһүөлэккэ баар испииһэгин көрдөөбүттэрэ. Ити испииһэгинэн көрөн ыттаах хаһаайыттары кытта сэрэтэр үлэлэр ыытыллыахтара. Эппиэтинэһэ суох хаһаайыттар миэрэҕэ тардыллыахтара. Бэлиэтээн эттэххэ, бэйдиэ сылдьар ыттары көрүүгэ-истиигэ Жатай бөһүөлэгин дьаһалтата бэриллибит боломуочуйатын ситэ толорбот. Маны барытын бөһүөлэк дьаһалтата ыты тутар анал тэрилтэ, биригээдэ суоҕар этинэр. Атын улуустарга, бөһүөлэктэргэ ыты тутар пууннары, приюттары туталлар. Оттон Жатай бөһүөлэгин дьаһалтата ону тутуон оннугар Бэтэринээрийэ департаменын кытта сууттаһар. Жатай бөһүөлэгэ өрөспүүбүлүкэ бүдьүөтүттэн көрүллэр субвенцияны приют суоҕунан туһанар кыаҕа суох, ол түмүгэр бэйдиэ сылдьар ыт ахсаана кинилэргэ элбиир. Ыттары тутууга ханнык даҕаны үлэ ыытыллыбат.
Бэлиэтээн суруйдахха, Жатай бөһүөлэгэр бэйдиэ сылдьар ыт ахсаана олус элбэх. Ыт саба түһүүлээх айдаан сылга хаста да хатыланар.
Ахсынньы 28 күнүгэр АХШ бэрэсидьиэнэ Уэст-Палм-Бич аттыгар Мар-а-Лагоҕа баар дьиэтигэр Зеленскэйи кытта көрсүбүтэ. Ол иннинэ…
Бэнидиэнньиккэ, 2025 сыл ахсынньы 29 күнүгэр, СӨ Үөрэҕин уонна наукатын миниистирин солбуйааччы Степан Андреевич Степанов…
Сэҥээрэ Саҥа дьыллааҕы хоһоонноро. Дорообо, кыһыммыт! Тулабыт иһийдэ, Налыйда-наскыйда. Уһаата-кэҥээтэ Уоскута чуумпурда... Дьэ онтон үөһэттэн…
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…