"Помоги выжить" пуун устубут видеотыттан хаартыска ылылынна
Жатай бөһүөлэгэр оҕолоох дьахтарга алабай түспүтүн туһунан сурах кэллэ. Биһиги тута Жатай бөһүөлэгин баһылыгын солбуйааччы эбээһинэһин толорооччу Руслан Геннадьевич Кречетовка сибээскэ таҕыстыбыт.
— Сэтинньи 11 күнүгэр, киэһэ 19 ч.50 мүн. Жатай бөһүөлэгин полициятыгар оҕолоох дьахтарга алабай боруодалаах ыт түспүтүн туһунан иһитиннэрии киирбитэ. Биһиги тута, «Помоги выжить» диэн ыты быстах кэмҥэ тутар пуун салайааччыта Екатерина Безрученкоҕа сибээскэ тахсыбыппыт. Биһиги бу пууну кытта бииргэ үлэлэһэр дуогабардаахпыт. Кинилэр биһиэхэ алабай ыты суһаллык тутарга биригээдэ ыыппыттара. Полиция үлэһиттэрэ, ону сэргэ бэтэринээрийэ департаменын үлэһиттэрин кытта борокуратуура дьаһалынан административнай хамыыһыйа тэрийэн үлэлэһэн эрэбит. Дьахтар суруйбут сайабылыанньатынан күн ахсын ити алабайы тутаары рейдэ бөҕөтө оҥоһуллар даҕаны, билиҥҥитэ тута иликпит. Оҕолоох дьахтар хата ыттан эмсэҕэлээбэтэх, дьиэ подъеһыгар куотан быыһаммыт. Онон улаханнык куттаммыт эрэ диэххэ сөп. Уопсайынан, бэйдиэ сылдьар ыт кыһалҕата ханна барыай, баар. Сокуон хараҕынан ыттары тутабыт, аттаан, чииптээн баран төттөрү ыыталлар. Өскөтүн, бу чииптэммит ыт иккитэ хаста дьоҥҥо хабыр майгытын көрдөрдөҕүнэ биирдэ эрэ кинини туталлар уонна хаайаллар. Жатайга ыт дьоҥҥо саба түһүүлээх хас да түгэн бэлиэтэммитэ. Онно икки ыт хаһаайыннааҕа биллибитэ, — диэтэ кини.
Ахсынньы 28 күнүгэр АХШ бэрэсидьиэнэ Уэст-Палм-Бич аттыгар Мар-а-Лагоҕа баар дьиэтигэр Зеленскэйи кытта көрсүбүтэ. Ол иннинэ…
Бэнидиэнньиккэ, 2025 сыл ахсынньы 29 күнүгэр, СӨ Үөрэҕин уонна наукатын миниистирин солбуйааччы Степан Андреевич Степанов…
Сэҥээрэ Саҥа дьыллааҕы хоһоонноро. Дорообо, кыһыммыт! Тулабыт иһийдэ, Налыйда-наскыйда. Уһаата-кэҥээтэ Уоскута чуумпурда... Дьэ онтон үөһэттэн…
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…