Жатайга суудуна тимирдэ

Бүгүн, ыам ыйын 15 күнүгэр, социальнай ситимнэргэ Жатайга суудуналар тимирэн эрэллэрин, биир суудуна бүтүннүү уу анныгар барар видеота тарҕанна.

Каадырдарга суудуна аа-дьуо тимирэрэ көстөр, эмсэҕэлээччилэр уонна төрүөттэр билиҥҥитэ биллибэттэр.

СӨ бырабыыталыстыбатын оробуочай бөлөҕө Жатайга барда: гражданскай оборуона миниистирэ Дмитрий Лепчиков, тырааныспар миниистирин э.т. Анатолий Потапов, экология миниистирин солбуйааччы Анатолий Алексеев.

ЛОРП дааннайдарынан, буксир кураанах турбут, утилизацияҕа бэлэмнээбиттэр, борт уматыга суох диэн.

Бэрэбиэркэ түмүгэ кэлин биллиэҕэ диэн Суһал ыстаап иһитиннэрэр.