Диана Степанова Уһук Илиҥҥэ СӨ бастайааннай бэрэстэбиитэлистибэтин бастакы солбуйааччытынан ананна

Ил Дархан Айсен Николаев Ыйааҕынан олунньу 28 күнүгэр СӨ Тас сибээскэ уонна норуоттар дьыалаларыгар миниистрин бастакы солбуйааччытын дуоһунаһыттан босхолоон Уһук Илин федеральнай уокурукка Саха Өрөспүүбүлүкэтин бастайааннай бэрэстэбиитэлистибэтин бастакы солбуйааччытынан Степанова Диана Афанасьевнаны анаата.

Диана Степанова үрдүк үөрэхтээх. 1993 с. Дьокуускайдааҕы судаарыстыбаннай университеты, 1996 с. Үлэ уонна социальнай сыһыаннаһыылар Академияларын, 1997 с. Москватааҕы норуоттар икки ардыларынааҕы сыһыаннаһыылар судаарыстыбаннай үнүстүүтүн бүтэрбитэ.

Үлэтин М.К. Аммосов аатынан СГУ-га лаборанынан саҕалаабыта. Пекин университетыгар аан дойдутааҕы биисинэс уонна экэниэмикэ университетыгар стажировка ааспыта.

1998 сыллаахха Матырыйаалынай ресурсаларга, эргиэҥҥэ, тырааныспарга уонна сибээскэ министиэристибэтин кылаабынай исписэлииһин дуоһунаһыгар анаммыта.

2000-2004 сс. СӨ Тас сибээстэргэ министиэристибэтин кылаабынай исписэлииһинэн, 2004 сылтан 2011 сылга диэри кылаабынай сүбэһитинэн, Российскай Федерация Атыы- эргиэн бэрэстэбиитэлин састаабыгар СӨ бэрэстэбиитэлин солбуйааччынан үлэлээбитэ.

2011 сыл бэс ыйыгар СӨ Федеративнай сыһыаннаһыыларга уонна тас сибээстэргэ миниистирин солбуйааччынан анаммыта.

2020 сыл ыам ыйыттан күн бүгүнүгэр диэри СӨ Тас сибээскэ уонна норуоттар дьыалаларыгар миниистирин бастакы солбуйааччынан үлэлээбитэ.

СӨ Ил Дарханын уонна Бырабыыталыстыбатын пресс-сулууспата.