12 тыһыынча миэдиккэ эбии төлөбүр анаммыт

Социальнай пуонда Саха сиринээҕи салаата 2023 сылтан 851 мөлүйүөн солкуобай суумалаах анал социальнай төлөбүрдэри 12 тыһыынча мэдиссиинэ үлэһиттэригэр ыыппыт.

Мэдиссиинэ үлэһиттэригэр анаммыт социальнай төлөбүр — 2023 сыл тохсунньу 1 күнүттэн доруобуйа харыстабылын бастакы сүһүөх, оройуоннааҕы киин уонна учаастак балыыһаларын, «суһал көмө» үлэһиттэригэр хамнастарыгар эбии бэриллэр.

Төлөбүрү ыларга Социальнай пуондаҕа сайабылыанньа суруйар ирдэммэт. Мэдиссиинэ тэрилтэлэрэ хас ый саҥатын ахсын үлэһиттэрин электроннай испииһэктэрин эрдэттэн түһэрэллэр. Социальнай пуонда ону көрөн, бэйэтэ аныыр.

Социальнай төлөбүр кээмэйэ — исписэлиис категориятыттан уонна тэрилтэ көрүҥүттэн көрөн, 4,5-18,5 тыһыынча солкуобайга тэҥнэһэр.