Уус Маайаҕа кыһыл көмүһү уоран хостообуттара билиннэ

Ааспыт сууккаҕа Саха сиригэр 11 буруйу оҥоруу тахсыбытын туһунан СӨ Борокуратуурата иһитиннэрэр. 

Мэҥэ Хаҥалас улууһугар күүһүлээһин туһунан сайабылыанньа полицияҕа киирбит.

Дьокуускайга баан счетуттун 491 тыһ. солк. уорбуттар. Итиэннэ киин куорат балыыһатын үлэһититтэн Киин Баантан эрийэбит диэн, түөкүттэр 6,8 мөл.солк. суйдаабыттар.

Маны таһынан Дьокуускайга наркотигынан эргиниини, итирэн баран иккистээн уруулга олорбут киһини туппуттар.

Уус Маайаҕа кыһыл көмүһү сокуоннайа суохтук хостообуттара, оттон Ленскэй оройуонугар акцизнай маарката суох арыгыны харайа сылдьаллара биллибит.

Суукка иһигэр икки техногеннай баһаар буолбут. Өлбүттэр, эчэйбиттэр суохтар.

Алдан оройуонугар суол быһылааныгар оҕо эчэйбит.

Итирик туруктаах сэттэ суоппары туттулар.