Силиэстийэлиир кэмитиэт пресс-сулууспата
Алдан куоракка сокуоннай сааһын ситэ илик (17 саастаах) эдэр киһиэхэ киһини өлөрүү дьыалатыгар суут бириигэбэрэ таҕыста. Кини бэйэтин саастыылааҕын өтүйэнэн охсон өлөрбүтүн силиэстийэ толору дакаастаата.
Силиэстийэ уонна суут быһаарбытынан, ыар буруй бу сыл ыам ыйын 30 күнүн киэһэтигэр оҥоһуллубут. Алдан куорат Октябрьскай уулуссатыгар баар дьиэ мал-сал уурар хоһугар икки 17 саастаах уол икки ардыгар этиһии тахсыбыт.
Ол түмүгэр биир уол бэйэтин саастыылааҕын төбөҕө өтүйэнэн охсубут. Эмсэҕэлээччи төбөтүгэр ыар бааһырыыны ылан, тутатына тыына быстыбыт. Кини этин-сиинин үлэһиттэр булан, полицияны уонна суһал сулууспалары ыҥырбыттар.
Буруйу оҥорбут уол түбэлтэ буолбут сириттэн күрээбит да буоллар, оперативниктар кинини олус түргэнник тута булбуттара. Силиэстийэ кэмигэр кинини хаайыыга олордубуттар.
Силиэстийэлиир кэмитиэт буруйу толору дакаастыыр матырыйааллары хомуйан суукка биэрдэ. Суут уолу РФ Холуобунай кодексатын 105-с ыстатыйатын 1 чааһынан (киһини өлөрүү) буруйдааҕынан билиннэ.
Кини 5 сылга көҥүлэ быһылынна уонна сокуоннай саастарын ситэ илик дьоҥҥо аналлаах холуонньаҕа олороругар уураахтанна диэн Саха сиринээҕи Силиэстийэлиир кэмитиэтин пресс-сулууспата суруйар
Арассыыйа үрдүнэн 14-тэн 22-гэр диэри саастаах оскуола үөрэнээччилэригэр уонна устудьуоннарга аналлаах «Наука. Территория героев» куонкурус…
Дьокуускай куорат 1-кы №-дээх полициятын отделыгар олохтоох киһи үҥсүү түһэрбит. Кини массыынатын бааҕыттан биллибэт киһи…
Муҥхаҕа туттуллар сэп-сэбиргэл арааһа элбэҕинэн биллэр. Анньыы – мууһу алларарга туттуллар тэрил. Муҥха ийэтэ –…
Саха сиригэр анал байыаннай дьайыы бэтэрээннэрин уонна кинилэр дьиэ кэргэттэрин социальнай өйөөһүн салҕанар. Биир сүрүн…
Дьокуускай куорат полициятын миграцияҕа салаатын үлэһиттэрэ «Омук устудьуона» диэн профилактическай тэрээһин чэрчитинэн үөрэх тэрилтэлэригэр кэлбит…
Саха сиригэр өрөспүүбүлүкэ олоҕор-дьаһаҕар ураты суолталаах эбийиэктэри дронтан (БПЛА) көмүскүүр аналлаах мобильнай бөлөхтөргө резервистэри хомуйуу…