Саха сирэ саайт архыыбыттан
Муҥхаҕа туттуллар сэп-сэбиргэл арааһа элбэҕинэн биллэр.
Анньыы – мууһу алларарга туттуллар тэрил.
Муҥха ийэтэ – балык мунньуллан кэлэр сирэ.
Муҥха кыната – балыгы күөйэн муҥха ийэтигэр киллэрэр.
Туос хотоҕос – муус анныгар киирэн баран тимирбэтигэр анаан оҥоһуллубут бэлиэ (эбэтэр лоппунуоҕа, лаппыныаҕа дииллэр). Хаптаһын хотоҕос.
Таастыган – дьаакыр.
Ыт мас – муҥханы икки өттүттэн чардаатыгар салайар мас.
Хамыйах – ойбон мууһун ыраастыырга анааллаах күрдьэх.
Ачаах – муус аннынан муҥханы салайар мас.
Атырдьах – ойбонтон ойбоҥҥо муҥханы соһор мас.
Олуур – туора барбыт маһы олуйан сөптөөх хайысхаҕа хайыһыннарар мас.
Көхө – үтүмэх кэлбитин тардан ылар күрүчүөк.
Нырыы – муус аннынан балыктары үргүтэргэ туттуллар ураҕас. Этэллэринэн, нырыы маһын муҥхалыыр эрэ күҥҥэр быһыахтааххын. Иккистээн туттуллубат.
Үтүмэх – муҥханы соһорго аналлаах ураҕас мас, кэнниттэн быаҕа муҥха баайыллар.
Сүүр – муус үлтүркэйдэрин ыраастыыр сиидэ хамыйах.
Көхө – тордуохтаах мас, быаны тардарга аналлаах.
Кыл хамыйах – собону баһар хамыйах.
Туора күрдьэх – хаар күрдьэргэ туттуллар.
«Саха сирэ» хаһыат архыыбыттан
Арассыыйаҕа чэпчэтиилээх автокирэдьиит бырагыраамата ахсынньы 1 күнүттэн саҥаттан үлэтин саҕалыаҕа. Бу туһунан РИА Новости ааҕыныстыбаҕа…
Арассыыйа үрдүнэн 14-тэн 22-гэр диэри саастаах оскуола үөрэнээччилэригэр уонна устудьуоннарга аналлаах «Наука. Территория героев» куонкурус…
Дьокуускай куорат 1-кы №-дээх полициятын отделыгар олохтоох киһи үҥсүү түһэрбит. Кини массыынатын бааҕыттан биллибэт киһи…
Саха сиригэр анал байыаннай дьайыы бэтэрээннэрин уонна кинилэр дьиэ кэргэттэрин социальнай өйөөһүн салҕанар. Биир сүрүн…
Алдан куоракка сокуоннай сааһын ситэ илик (17 саастаах) эдэр киһиэхэ киһини өлөрүү дьыалатыгар суут бириигэбэрэ…
Дьокуускай куорат полициятын миграцияҕа салаатын үлэһиттэрэ «Омук устудьуона» диэн профилактическай тэрээһин чэрчитинэн үөрэх тэрилтэлэригэр кэлбит…