2024 сылга туох күүтэрин сулустар кэпсииллэр

Кытай халандаарынан, от күөҕэ Луо сыла үүннэ. Луо күүһү-уоҕу, үгүс уларыйыыны уонна сайдыыны кытта ситимнээх. Зодиак үгүс бэлиэлэригэр үүммүт сыл түргэн тэтимнээх уларыйыылары уонна интэриэһинэй саҥа саҕалааһыннары түстүүр. Кытай култууратыгар ытыктанар кыыл. Ситиһиини уонна баайы-дуолу кэрэһилиир.

Хой

Улахан суолта­лаах сыл. Үлэҕэ, тус олоххо үгүс улары­йыы күүтэр. Дьону кытта сыһыаҥҥа уонна олоххо көрүүҥ сыыйа уларыйан барыаҕа.  Саҥа таһымҥа тахсыыҥ бэйэҕиттэн тутулуктаах. Сыл иккис аҥаарыгар дууһаҥ, сүрэҕиҥ тугу баҕарарыҥ өйдүөҥ. Ис эйгэҕин кытта дириҥ ис хоһоонноох үлэ күүтэр. Ис санааҥ баҕатын учуоттаабатаххына, тус олоххор сапсыйан кэбистэххинэ, иккис­тээн бу турукка киирэриҥ уустук буо­луоҕа. Онон үүнэр сылы тус сайдыыгар, олоххор аныырыҥ ордук.

Оҕус

Олоххор тирэхтээх кэмиҥ. Улахан баҕа санаа­ҕын ситиһэргэ эрдэттэн былаанныыр ордук. Тохсунньу, олунньу ыйдарга Сатурн көмөтө дьайыаҕа, онон бу тоҕоостоох кэми туһаныахха сөп. Үп-харчы, үлэ-хамнас өттүгэр табыллыы эрэ күүтэр. Оттон тус олоххор болҕомтолоох буолуу ирдэнэр.

Игирэлэр

Дьолу түстүүр Юпи­тер планета көмөҕө кэлиэҕэ. Дьылҕа бэлэҕэ тосхойуон сөп. Олохтон хайдах бэлэҕи тутарыҥ бэйэҕиттэн тутулук­таах. Тус олоххор, дьиэ­уот кыһалҕатын уонна үлэ-хамнас табыллыытын бэйэҥ эрэ быһаарыаҕыҥ. Барыта эн илиигэр. Тохсунньу, олунньу ыйдары мүччү тутума.

Араак

Араактарга көмүс кэм саҕаламмыт.  Чуумпу дьол оргууй үөмэн ааҥҥын сэгэ­тиэн сөп. Ол эрээри аттыгар баар дьолгун өйдөөн көрбөккө куоттарар куттал баар. Барытыгар болҕомтолоохтук сыһыаннас. Чугас дьону, доҕоттору кытта сыһыаны бөҕөргөтүүгэ үлэлэс.

Хахай

Холкутуйар, бэйэни туораттан кэтээн көрөр, толкуйдуур кэм саҕаламмыт. Эн да уһун кэм устата сыраҕын-сылбаҕын олох, чугас дьонуҥ туһугар уурдуҥ. Аны билигин махталы ылар үтүө кэминэн дуоһуйуоххун сөп. Тапталга табыллыы, дьиэ кэргэҥҥэ эбиллии күүтэр. Саҥа бырайыактар олоххо киирэллэрэ эйигиттэн улахан тутулуктаах.

Кыыс

Түргэн тэтимнээх, умнуллубат түгэннэрдээх сыл саҕаланыаҕа. Сатурн планета тулуурдаах буоларгар уонна саҕалаабыт дьыалаҕын тиһэҕэр тиэрдэргэр көмөлөһүөҕэ. Нептун айар дьоҕургун сайыннарыаҕа. Долгутуулаах көрсүһүүлэр, соһуччу билсиһиилэр баар буолуохтара. Үп-харчы да сөбүгэр баар.

Ыйааһын

Бар дьон болҕомтотун ылар кэмиҥ. Тус олоххор саҥа саҕалааһыннар, үтүө уларыйыылар күүтэллэр. Дьылҕа аныыр бэлиэ түгэннэрэ тосхойуох­тара. Чугас киһигин кытта сыһыаныҥ ыйааһын бэскитигэр туруон сөп. Урукку өттүгэр санаа аалыыта оҥостубут кыһалҕаҕыттан босхолонуоҥ.

Скорпион

Буурҕа курдук түргэн тэтимнээх сыл кэннэ чуумпу сыл үүнүөҕэ. Сүрүн болҕомто дьиэ кэргэн, олох-дьаһах тула буолуоҕа. Ис эйгэҥ туруга инники күөҥҥэ сылдьыаҕа. Дьону кытта сыһыаннаһыы, саҥа дьыалалары саҕалааһын ситиһиини түстүөҕэ. Ол эрээри элбэх дьонтон, болҕомтоттон сылайбыт буоллаххына, сыл бастакы аҥаарыгар бэйэҕэр бүгүүҥ доруобуйаҕын, ис туруккун бөҕөргөтүө.

Охчут

Уустук соҕус эрээри, элбэх бэлиэ түгэннэрдээх, үгүс барыылаах-кэлиилээх сыл үүнүүһүк. Сатурн, Нептун, Юпитер бары кэриэтэ арыаллыыллар. Ол түмүгэр дууһаҥ да муунтуйуон, ардыгар өрө көтөҕүллэн да ылыаххын сөп. Уларыйа турар тэтимҥэ сөп түбэһэҕин. Таптал өрт уотунуу уматыан, ардыгар умулларыан да сөп.

Чубуку

Үс сылтан бэттэх арыаллыы сылдьыбыт ситиһииҥ салгыы сиэттиһиэҕэ. Өһөс, кытаанах майгылаах чубукулар өссө үөһээ тахсыахтарын, үрдүгү дабайыахтарын сөп. Сыл бастакы аҥаарыгар Юпитер дьайыыта күүһүрэн, бытаан чубукулар түргэтиэхтэрин, ыксыахтарын сөп. Биисинэс эйгэтигэр, үп-харчы сыһыаннаһыытыгар ситиһии күүтэр. Тус олоҕуҥ хайдах салаллара бэйэҕиттэн тутулуктаах.

Күрүлгэн

Икки өрүттээх сыл күүтэр. Айан, барыы-кэлии, саҥа билсиһии барыта баар. Ол эрээри ис санааҕар тугуҥ эрэ тиийбэт курдук. Дьону кытта сыһыаҥҥа харыстабыллаах уонна болҕомтолоох буол. Биир-икки сыыһа туттуу – истиҥ сыһыаны, өр сыллаах доҕордоһууну алдьатыан сөп. Таптал, тус олох өттүгэр барыта бэйэҕиттэн тутулуктаах.

Балыктар

Олус интэриэһинэй уонна көхтөөх сыл күүтэр.  Былааннаабыт соруктаргын олоххо киллэрэргэр тоҕоостоох буолууһу. Сыл иккис аҥаарыттан арыый тэтимҥин намтатан холкутук сылдьыаххын сөп. Бу кэм устата бэйэҥ эрэ күүскэр эрэниэххин наада. Тохсунньу, олунньу, кулун тутар – ситиһиилээх ыйдар буолуохтара. Тус олоххор уларыйыы суох, арай ыраах айаҥҥа турунууҥ ситиһиини түстүөҕэ.