60 саастаах дьахтар кылааһынан көрсүһүүгэ олоппоһунан охсуллан хараҕа суох хаала сыста

Саха сиригэр 60 саастаах дьахтар кылааһынньыктар көрсүһүүлэрин кэмигэр олоппоһунан төбөҕө охсуллан хараҕар улахан эчэйиини ылла диэн СИА иһитиннэрэр.

Өрөспүүбүлүкэтээҕи харах балыыһатын быраастара эмсэҕэлээбит дьахтар халтаһатын тикпиттэр. Өссө даҕаны хараҕар турбут хаан бөлөнөҕүн ыраастыырга эпэрээссийэ күүтэр.

Барыллаан иһитиннэрии быһыытынан, дьахтар оскуолаҕа бииргэ үөрэммит дьонун кытта көрсүһэ сылдьан айдаарсан эмсэҕэлээбит. 60 саастаах дьахтарга нейрохирургтар көмөлөрө эмиэ наада буолбут. Быраастар ыарыһах хараҕын толору чөлүгэр түһэрии ыарахаттардаах диэн бэлиэтииллэр.

«Ыарыһах хараҕа улаханнык эмсэҕэлээбит уонна сырдыгы көрөрө мөлтөөбүт. Эмсэҕэлээччини суһаллык балыыһаҕа киллэрдилэр. Кини хараҕын халтаһатын тиктилэр, диагностика оҥордулар. Өссө биир хирургическай эпэрээссийэ күүтэр. Харах маннык ыараханнык эчэйиитигэр чөлүгэр түһүө диэн билгэлиир уустук. Ону тэҥэ, эчэйии кэнниттэн чугастааҕы кэмҥэ уонна хас да сылынан эмиэ эрэйдиэн сөбүн умнумаҥ», — диэбит Дьокуускайдааҕы харах балыыһатын офтальмолог бырааһа Алена Алексеева.