Эһиил Дьокуускай куоракка «Прометей» микрооройуоҥҥа өрөспүүбүлүкэҕэ саамай улахан оскуола үлэҕэ киириэхтээх. Оскуола 990 миэстэлээх. Бэҕэһээ СӨ бырабыыталыстыбатын бэрэссэдээтэлин солбуйааччы Сергей Местников тутуу хаамыытын билистэ.
Дьиэ уопсай иэнэ 15 тыһыынча кв. миэтэрэттэн тахсар, сыаната – 1,5 миллиард солкуобай кэриҥэ. “Үөрэҕирии” национальнай бырайыак уонна “Аныгы оскуола” өрөспүүбүлүкэтээҕи бырайыак чэрчилэринэн тутулла турар.
«Тутууга ирдэбил барыта тутуһуллар. Бу оскуолаҕа оҕолор кэлэр сылга балаҕан ыйын 1 күнүттэн үөрэниэхтэрэ. 2023 сыл бастакы аҥаарыгар лицензияны, көҥүлү ылыы докумуоннарын оҥорууга үлэтин ыытыахпыт. Бу элбэх бириэмэни ылар», — диэн Сергей Местников иһитиннэрдэ СИА-ҕа.
Тутуу 96%-на бэлэм. Билигин миэбэли, оборудованиены таҥыы үлэлэрэ ыытыллар. Оскуолаҕа аныгы олох ирдэбилигэр эппиэттиир. Үөрэнэр кылаастар, медблок, библиотека, мастарыскыайдар, 330 миэстэлээх остолобуой, 250 миэстэлээх аактабай саала, спортивнай саала бааллар.
Хаартыскалар: https://ysia.ru/uchebnyj-protsess-v-samoj-bolshoj-shkole-yakutii-nachnetsya-s-1-sentyabrya-2023-goda/
Сыл түмүгүнэн үтүө үгэһинэн, сылын ахсын Оһуокай ыһыаҕа ыытыллар. Быйылгы Оһуокай ыһыаҕа от ыйын 12…
Дьокуускайга Аҕа дойду Улуу сэриитин бэтэрээнэ Петр Константинович Яковлев 100 сааһын туолуутун үөрүүлээх быһыыга-майгыга чиэстээтилэр.…
Хаһаайыстыбаннай мыыла туһата элбэх эбит. Аҥардас таҥас сууйарга эрэ буолбакка, хаһаайыстыбаҕа барытыгар туһаныахха сөп эбит.…
Арассыыйа Бэрэсидьиэнэ Владимир Путин байыаннай таҥас кэтиитигэр уларыйыы киллэрэр туһунан Ыйаахха илии баттаата. Докумуон быраап…
Таатта улууһугар Ытык Күөлгэ ыытыллыбыт күрэс төрүт көрүҥнэригэр XXII “Манчаары оонньууларын” уопсай хамаанданан түмүктэрэ билиннэ. …
От ыйын 10 күнүгэр XXII-с Манчаары оонньууларын чэрчитинэн Д.К. Сивцев-Суорун Омоллоон аатынан Чөркөөх түмэлигэр «Манчаары…