Доруобуйаларыгар хааччахтаах дьон реабилитацияларын туһунан мунньах буолла

Бу күннэргэ Дьокуускайга үс күннээх эрэгийиэннэр икки ардыларынан ыытыллар, доруобуйаларыгар хааччахтаах дьон реабилитациятын уонна абилитациятын туһунан ыйытыктаах кэмпириэнсийэ буола турар. Тэрээһин бырагырааматынан бэҕэһээ, бэс ыйын 27 күнүгэр, пленарнай мунньах ыытылынна.

Тэрээһиҥҥэ СӨ Бырабыыталыстыбатын Бэрэссэдээтэлин солбуйааччы Георгий Степанов, норуоттар икки ардыларынааҕы реабилитация уонна абилитация систиэмэтин отделын салайааччыта Александр Шошмин уонна СӨ үлэҕэ уонна социальнай сайдыыга миниистирэ Елена Волкова кыттыыны ыллылар.

«Бүгүн биһиэхэ доруобуйалара хааччахтаах оҕолорго уонна байыаннай эпэрээссийэттэн төннөн кэлбит буойуттарга комплекснай реабилитация ыытылларын туһунан пленарнай мунньах буолла. Уопсайа 11 интириэһинэй дакылааттары иһиттибит. Быйыл Москваттан, Санкт-Петербургтан, Бурятияттан, ону таһынан Ханты-Мансийскай оройуонтан кыттааччылар кэллилэр. Бу тэрээһин сүрүнэ диэн өйү үллэстии уонна саҥаны билии буолар», – диэн Өрөспүүбүлүкэтээҕи инбэлииттэри социальнай-чэбдигирдэр кэлим киин дириэктэрэ Асида Алексеева санаатынан үллэстиннэ.

«Бу ыытыллар мунньах – Ближнэй Восток норуотун демографическай сайдыытыгар ананар. Маннык тэрээһин сыл ахсын ыытыллар. Бу иннинэ оҕоҕо уонна кини дьиэ кэргэнигэр эрдэтээҥҥи көмө бэриллэрин туһунан ыйытыылар тахса сылдьыбыттара, ону таһынан доруобуйалара хааччахтаах оҕолор реабилитацияларын туһунан кэпсэтии барбыта», – диэн пленарнай мунньах кыттыылааҕа Виктория Лорер эттэ.

Диана Новгородова