АБДь кыттыылаахтарын иэстэрин тохтотууну «Биир ньыгыл Арассыыйа» баартыйа хонтуруолга ылла

Анал байыаннай дьайыы кыттыылаахтарын 10 мөлүйүөн солкуобайга диэри иэстэрин тохтотуу быраабылатыгар сокуон үлэлииригэр өссө биир харгыс үөскээтэ. «Биир ньыгыл Арассыыйа» ити кыһалҕаны быһаарарга уонна бааннар иэһи тохтотууга «утары» эбэтэр «мөккүөрдээх» быһаарыылары ылыналларын үлэлиэҕэ.

Сокуоҥҥа уларытыы киирбитин кэннэ, хантараагынан сулууспалыыр байыаннайдар иэстэрин тохтотууга (ол иһигэр суут дьыалата саҕаламмыт буоллаҕына) бааннар «сокуон өйдөммөт буолуута» диэн ааттаан аккаастаналлара үөскээн эрэр. Арассыыйатааҕы бааннар Ассоциацията бу кыһалҕаны суох оҥорорго көрдөспүт.

«Сокуон өттүнэн мэктиэлэр, өскөтүн кинилэр быраактыкаҕа үлэлээбэт буоллахтарына, туһата суохтар. Хас биирдии аккаастааһын кэннигэр дьиҥнээх дьон уонна кинилэр дьиэ кэргэттэрэ тураллар. Бу байыаннайдар иэстэрин тохтотуу быраабылатын Арассыыйа Киин баанын уонна бааннары кытта сүбэлэһэн, биир өйдөбүллээх гына үлэлиэхпит», — диэн Судаарыстыбаннай Дуума дьокутаата, Арассыыйа Дьоруойа Владимир Сайбель бэлиэтээтэ.

«Биир ньыгыл Арассыыйа» баартыйа уонна кинилэр уопсастыбаннай дьиэлэрэ АБДь кыттыылаахтарын мунньахтарын куруук ыытыахтара. Өскөтүн эһиэхэ баан иэскитин тохтотууга «утары» быһаарыыны биэрбит буоллаҕына:

• Хас биирдии түбэлтэни тус-туспа суут-сокуон өттүнэн көрүөххэ наада;
• «Биир ньыгыл Арассыыйа» уопсастыбаннай дьиэтигэр сайабылыанньа суруйуохха сөп.

«Биһиги итини булгуччу туруорсуохпут — сокуон бары кыттыылаахтарга хайа да саарбаҕа суох үлэлиэхтээх», — диэн эбэн этэр дьокутаат.