Хаартыска: Николай Никитин
Бүгүн, ахсынньы 6 күнүгэр, Арктикатааҕы судаарыстыбаннай агротехнологическай университекка байыаннай дьайыы кыттыылааҕа, университет үлэһитэ Владимир Владимирович Егоров кэриэһигэр анаммыт байыаннай-патриотическай слет саҕаланна.
Слет арыллыытыгар ыҥырыллыбыт Саха сирин саллааттарын ийэлэрин кэмитиэтин бэрэссэдээтэлэ Мария Емельянова: «Хатас уола Леонид Смирников бииргэ сулууспалыыр доҕотторун кытары Днепр өрүһү харбаан туораан иһэн тимирэрбит буолуо диэн куттаммыппыт. Онуоха Сэбиэскэй Сойуус Дьоруойа Федор Кузьмич Попов манна кыргыспыта — Днепры харбаан туораабыта диэн өйдөөн кэлбиппит. Онтон эр санаа ылан этэҥҥэ Днепр өрүһү харбаан туораабытын туһунан кэпсээбитэ», — диэн сырдатта.
Салҕыы: «Оҕолор үөрэххитигэр кыһаллан үөрэниҥ, идэҕитиҥ толору баһылааҥ», — диэн кэс тылларын эттэ.
Арассыыйа Дьоруойа, Саха Өрөспүүбүлүкэтин Ил Түмэн Судаарыстыбаннай мунньаҕын депутата Александр Колесов Приднестровьеҕа, Чечняҕа, байыаннай дьайыыга сулууспатын кылгастык билиһиннэрэн баран устудьуоннарга: «Эһиги бу олоҕу тутуоххут-айыаххыт. Инникигэ эрэллээхтик хардыылааҥ иһин», — диэн алҕаата.
Икки күн устата университет волонтердарын этэрээттэрэ араас күрэхтэргэ күөн көрсүөхтэрэ. Бастыҥтан бастыҥнарын быһаарыахтара.
Манна даҕатан эттэххэ, университеттан байыаннай дьайыыга 27 устудьуон кыттыыны ыла сылдьаллар.
Николай Никитин
“Национальнай эриэйтин” бырайыак чэрчитинэн “Рейтинг” информационнай коммуникациялар кииннэрэ дойду субъектарын баһылыктарын үлэтин сыаналааһыҥҥа аналлаах уочараттаах…
Кытай SWIFT систиэмэҕэ маарынныыр бэйэтин систиэмэтин таһаарда. Арассыыйа - Кытай доҕордоһуутун, эйэҕэ, сайдыыга кэмитиэтин хос…
Бэҕэһээ Ньурба улууһун баһылыгын солбуйааччы Наталья Петрова салайааччылаах куонкурус хамыыһыйатын түмүктүүр мунньаҕа буолан ааспыт. Бэбиэскэҕэ…
Арассыыйа тимир суолларын саайтыгар эбэтэр мобильнай сыһыарыы нөҥүө “Федеральнай пассажирскай хампаанньа” (ФПХ) плацкартаах вагоннарыгар билиэт…
Өрөспүүбүлүкэтээҕи 2 №-дээх балыыһа травматологияҕа пууна Арассыыйа “Гелпик” фирматын саҥа рентгенологическай комплексын ылла. Саҥа аппараат…
Норуот синоптига Тускул этэринэн, сэтинньи 20-гэр диэри халлаан улаханнык тымныйыа суоҕа. Онтон хаар хаһан түһэр?…