Бу күннэргэ Москваҕа Уһук Илин үрдүк үөрэхтэрин кыһаларын истэригэр «Приоритет 2030» диэн федеральнай бырагыраамаҕа кыттарга куонкурус быһыытынан сүүмэрдээһин буолла.
Онно 20 үрдүк үөрэх кыһатын иһигэр киирсэн, Саха сириттэн кыттыбыт Арктическай судаарыстыбаннай агротехнологическай университет 2030 сылга диэри сайдар бырагырааматын көмүскээтэ.
Бу туһунан университет иһитиннэрэр уонна имиджевай бэлиитикэтин салаатын салайааччыта Нарыйаана Татаринова кэпсиир:
— Москваҕа ыытыллыбыт үрдүк үөрэх кыһаларын ортотугар ыытылыбыт куонкуруска АГАТУ ректорын э.т. Валерий Федоров үрдүк квалификациялаах исписэлиистэри бэлэмнээһин, научнай чинчийиилэри олоххо киллэрии, сыыппаранан үөрэх сонун бырайыактарын билиһиннэрдэ.
Үрдүк үөрэх кыһата агроурбаанньыттары, зооинженердэри, агрономнары, бэтэринээр-быраастары, ойуур хаһаайыстыбатын, экэниэмикэ исписэлиистэрин, бэлэмнээн таһаарыыга аналлаах бырагыраамалары бэлэмниир соруктаах үлэлиир. Бу идэлэргэ сүрүннээн сыыппара технологиятыгар олоҕуран үөрэтии ирдэниллэр.
Университет сайдыытын бырагырааматын тосхолугар үс хайысха торумнанна: «Арктическай» Агробиотехнопаарка, «Өйдөөх нэһилиэк – уопсастыбаннай бэйэни салайыныы территорията», «Карбоновай пиэрмэлэр». Бырайыактар саҥа үөрэх бырагырааматыгар киирэн, наука сонун технологиятыгар олоҕуруохтара.
Арктическай судаарыстыбаннай агротехнологическай университет тэрийэр «Арктическай» Агробиотехнопаарката— сүрүн стратегическай бырайыак. Бу хайысха хоту сир үгэс буолбут салааларын сайыннарыыга эрэгийиэн уонна Уһук Илин урутаан сайдыыларыгар улахан суолталаныаҕа. «Арктическай» Агробиотехнопаарка аграрнай наука сайдыытын интеллектуальнай кыаҕар туһуланар: научнай-тиэхиньиичэскэй бородууксуйаны айан оҥоруу, ону чинчийэн баран, производствоҕа таһаарыы уонна олоххо киэҥник киллэрии. Кэккэ кластертан турар стратегическай бырайыак сонун инновационнай тиһиги олохтоон, Саха сирэ сайдыытыгар туһуламмыт тосхоллорго быһаччы кыттыаҕа.
Ити курдук, АГАТУ сир уонна ойуур боппуруостарын салайар, быһаарар, үгэс буолбут салаалары сайыннарар, хотугулуу-илин, РФ арктическай эрэгийиэннэрин олохторун хаачыстыбатын тупсарыыга туһуламмыт, быһата, тыа хаһаайыстыбатын араас салааларыгар дэгиттэр идэлээх исписэлиистэри бэлэмнииргэ сүрүн соруктаах үрдүк үөрэх кыһатын былааннара — сарсыҥҥылаах.
Бүгүн, Улуу Кыайыы 79 сылын көрсө, «Кыайыы Знамята» аахсыйа чэрчитинэн Наталия Яцышина салайааччылаах Уус-Ньаратааҕы гимназист-волонтердар…
Саха сиригэр эдэр табаһыттар дьиэ тутталларыгар эбэтэр дьиэ атыылаһалларыгар 2 мөл. солк. диэри төлөбүр кээмэйин…
Саха сирин сүүмэрдэммит хамаандатын дзюдоистара Уһук Илин чөмпүйэнээтигэр икки кыһыл көмүс мэтээли ылары ситистилэр. Алина…
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…