Айсен Николаев Дмитрий Патрушевтыын көрүстэ

Ил Дархан Айсен Николаев РФ Бырабыыталыстыбатын бэрэссэдээтэлин солбуйааччы Дмитрий Патрушевтыын көрүстэ.

Икки өрүт ыһыы үлэтин тула кэпсэттилэр.  Дмитрий Патрушев сүрүн болҕомтону эрэгийиэн аграрийдарыгар уурда. Ол курдук ыһыы үлэтэ хаачыстыбалаахтык ыытылларыгар  толору  хааччыллыбыт буолуохтаахтар диэтэ.

Ойуур баһаардарын тула кэпсэтии эмиэ буолла. Ил Дархан Айсен Николаев бу хайысхаҕа өйөбүл иһин Дмитрий Патрушевка махтанна. Ол курдук бүгүҥҥү күҥҥэ умайа турар ойуур баһаара суоҕун иһитиннэрдэ.

Маны таһынан, эрэгийиэҥҥэ «Экология» национальнай бырайыак олоххо киириитин түмүктэрин кэпсэттилэр. Бу тэрээһиҥҥэ 1,5 млрд. солкуобай көрүллүбүт. Саха сиригэр сэрэхтээх эбийиэктэр тулалыыр эйгэҕэ дьайар, мунньуллубут буортуларын суох оҥорууга үлэ ыытыллыбыт. Ол курдук кытаанах хомунаалынай тобохтору  (ТКО) харайыыга ситимнээх үлэ уонна ойуурдары харыстааһыҥҥа үлэлэр ыытыллыбыттар.