Айсен Николаев “Малая Родина – сила России” Бүтүн Арассыыйатааҕы III муниципальнай пуорум эрэгийиэннээҕи күннэрин кыттааччыларын кытта уопутун үллэһиннэ

Ил Дархан Айсен Николаев “Малая Родина – сила России” Бүтүн Арассыыйатааҕы III муниципальнай пуорум эрэгийиэннээҕи күннэрин иитинэн “Опорные точки роста: пространственное развитие территории” “Быһа кэпсэтии” көрсүһүүгэ кытынна.

Олохтоох бэйэни салайыныы Бүтүн Арассыыйатааҕы ассоциациятын (ВАРМСУ) хос бэрэссэдээтэлэ, олохтоох бэйэни салайыныыга РФ Бэрэсидьиэнин Сэбиэтин президиумун чилиэнэ Ирина Гусева эрэгийиэн салайааччытыттан тус суолун, өрөспүүбүлүкэ киин куоратын салайыыга уопутун, муниципальнай тэриллиилэри кытта үлэ уонна саҥа 33-с нүөмэрдээх федеральнай Сокуон усулуобуйатыгар олохтоох бэйэни салайыныыны сайыннарыы кэскилин туһунан ыйытта.

Дьокуускай куорат мээринэн үлэлиир кэмин туһунан хоруйдууругар эрэгийиэн салайааччыта дьон чахчы баар кыһалҕатын быһаарар баҕаттан турбутун санатта. Суолталаах түгэннэртэн биир саамай уустук соругунан буолбут саахалланар тутуктааах дьиэлэртэн көһөрүүнү бэлиэтээтэ: Дьокуускай билигин даҕаны Арассыыйаҕа ордук саахалланар олорор дьиэлээх куоратынан буолар. Кини үлэлиирин саҕана 20-50-с сыллардаахха тутуллубут эбийиэктэри көтүрүү үлэтэ барбытын, онтон бырагыраама бэйэтэ Бэрэсидьиэн өйөбүлүнэн өрөспүүбүлүкэҕэ үлэлии турарын ыйда.

Айсен Николаев муниципалитеттары кытта үлэтин туһунан ыйытыыга хоруйдууругар, кини куоракка мээринэн олорбут уопута Ил Дархан дуоһунаһыгар сүрүн тирэх буолбутун бэлиэтээтэ. Эрэгийиэн салайааччыта Ил Дархан олохтоох бэйэни салайыныыга боппуруостарынан Сэбиэтин үлэтин туһунан сиһилии кэпсээтэ.

Ити туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.