Айсен Николаев: «РФ Бэрэсидьиэнэ бэйэтин туһаайыытыгар Саха сиригэр гаастааһын тэтимнээхтик ыытылларын бэлиэтээтэ»

«Якутия, вперёд!» биэриигэ Ил Дархан Айсен Николаев РФ Бэрэсидьиэнэ Владимир Путин Саха сиригэр гаастааһыҥҥа улахан үлэ ыытыллыаҕа диэн эппитин бэлиэтээтэ.

Ил Дархан дойдуга социальнай гаастааһыны олоххо киллэриигэ Саха сирэ Уһук Илин эрэгийиэнигэр инники күөҥҥэ сылдьарын бэлиэтээтэ. “2023 сыл түмүгүнэн өрөспүүбүлүкэ дойдуга 10 миэстэҕэ сылдьар. Социальнай гаастааһыҥҥа былырыын былаан  138% туолбута. Онон бу үлэ өрүү маннык көдьүүстээхтик, кимиилээхтик ыытыллыаҕа. 2023 сыл түмүгүнэн 2100 ыал гаастааһыҥҥа хапсара былааннаммытыттан 2 889 дьиэ кэргэн дьиэтигэр гаас киирдэ”, — диэн бэлиэтээтэ Ил Дархан Айсен Николаев.