Салгыы
Айсен Николаев: «Саха сирин арҕаа өттө дойду тутууга саамай көхтөөх былаһааккатынан буолуоҕа»

Айсен Николаев: «Саха сирин арҕаа өттө дойду тутууга саамай көхтөөх былаһааккатынан буолуоҕа»

22.12.2023, 13:17
Хаартыска: Андрей Сорокин, СИА.
Бөлөххө киир:

Өрөспүүбүлүкэ арҕаа өттүгэр Уһук Илин экэниэмикэтин уларытар кыахтаах бөдөҥ бырайыактары көҕүлээтилэр. Бырайыактар чугастааҕы сылларга олоххо киириэхтэрэ. Бу туһунан Ил Дархан Айсен Николаев ахсынньы 22 күнүгэр Судаарыстыбаннай Мунньахха (Ил Түмэн) Анал туһаайыытыгар иһитиннэрдэ.

Ил Дархан саҥа оҥорон таһаарыыны уонна Илиҥҥи полигон тимир суолга инфраструктуратын электричествонан бигэтик хааччыйар инниттэн, атырдьах ыйыгар Ленскэй улууһугар 550 МВт кыамталаах Новоленскай ТЭС тутуу саҕаламмытын бэлиэтээтэ.

Итини сэргэ, Айсен Сергеевич Орто Ботуобуйа сиригэр кэлэр кэм экологияҕа технологиятын кытта ситимнээх – гелийи ыларга айылҕа гааһын оҥоруу комплекса курдук букатын саҥа бырайыак саҕаланарын этэ. Гелийи хостооһуҥҥа пилотнай саҕалааһын 2025 сылга былааннанарын, 4 мөл. кубометрдаах бырайыагы оҥорон таһаарыы 2028 сылга диэн эттэ.

“Биһиги оҥорон таһаарар сүрүн салаабытын – алмааһы хостооһуну бөҕөргөтөр улахан суолталаах. АЛРОСА Мииринэйгэ саҕалыахтаах “Мир-глубокий” сир аннынааҕы рудник алмааһы хостооһун кээмэйин үрдэтиигэ Арассыыйаҕа эрэ буолбакка, аан дойдуга  бөдөҥ эбийиэгинэн буолуоҕа”, — диэн Айсен Николаев бэлиэтээтэ.

Ил Дархан уонна Бырабыыталыстыба пресс-сулууспата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
25 июня
  • 18°C
  • Ощущается: 17°Влажность: 42% Скорость ветра: 4 м/с

Сообщить об опечатке

Текст, который будет отправлен нашим редакторам: