Муус устар 25 күнүгэр Айсен Николаев быһа эпииргэ тахсыаҕа

Муус устар 25 күнүгэр, Өрөспүүбүлүкэ күнүн көрсө, Ил Дархан Айсен Николаев быһа эпииргэ тахсыаҕа.

Трансляция 19:00 чаастан саҕаланыаҕа.  Ил Дархан Саха сирин олохтоохторун долгутар ыйытыыларга хоруйдуоҕа, өрөспүүбүлүкэҕэ суолталаах тиэмэлэри ырытыаҕа, стратегическай хайысхалар туһунан санаатын үллэстиэҕэ уонна саҥа соруктары кэпсиэҕэ.

Эпиир «Саха» НКИХ, «Якутия 24», «Россия 24» ханаалларга, Ил Дархан социальнай ситимнэригэр көстүөҕэ, «Тэтим», «Радио России», «Виктория Саха», «СТВ-радио» араадьыйаларга иһиллиэҕэ. Олохтоохтор 8-800-707-43-33 нүөмэргэ эрийэн ыйытыыларын биэриэхтэрин сөп. Быһа эпиир колл-киинэ күн аайы 9-18 ч. үлэлиир. Итиэннэ телеграмҥа @voprosGlaveYakutii_bot чат-ботка ыйытыылары ыытыахха сөп.