«Айтал уонна аптаах күүс» ойуулугу оҕолоргутугар көрдөрүҥ

«Айтал уонна аптаах күүс» ойуулукка куорат оҕото — Айтал туһунан кэпсэнэр.

Кини сайын дэриэбинэҕэ эбэтигэр сайылыы кэлэр. Арай биирдэ кини түүлүгэр ытык кырдьаҕас: «Эн Айыылартан ананан кэлбит оҕоҕун, ол да иһин орто дойдуну хараҥанан сабардаан эрэр Хараҥа күүстэн быыһыыр аналлааххын», — диир. Мантан ыла Айтал мүччүргэннээх сырыылара саҕаланаллар.

Ойуулук төрөөбүт дойдуга тапталы иҥэрэр, сырдык хараҥаны хайаан да кыайарын уонна бэйэҕэ, доҕотторго итэҕэл туһунан. Сахалыы тыыннаах ойуулук буоларын быһыытынан манна сир -дойду, уу, уот, тыал иччилэрэ бааллар. Кинилэр айылҕаны кытта быстыспат ситимнээхпитин көрдөрөллөр. Көрөөччүлэр сүрүн герой Айтал — Олоҥхо бухатыырын санатар диэн санааларын уллэстэллэр.

Ойуулук Саха сирин бары киинэ тыйаатырдарыгар бэс ыйын 5 күнүттэн таҕыста. Сахалыы тылынан ойуулук киэҥ экрааҥҥа тахсыбытынан эҕэрдэлээн туран, кэлэн көрүҥ, диэн бары оҕолору, төрөппүттэри ыҥырабыт. Бу туһунан «Саха» НКИХ пресс-сулууспата иһитиннэрэр.