Александр Гуляев: “Саахса үлэһиттэрэ тустаах үлэбитин суһаллык толорон көмөлөһө олоробут»

Арассыыйа уонна Украина сыһыаннаһыылара олус тыҥааһыннаах, икки өттүттэн хардарыта киирсиилэр бара тураллар. Дойду анал байыаннай эпэрээссийэтигэр Саха сирин улуустарыттан, куораттарыттан ыҥырыллан барааччыларга докумуоннары толорууга саахса (ЗАГС) тэрилтэлэрэ быһаччы кытта олороллор.

Ол туһунан  СӨ саахсатын (ЗАГС) үп, экэниэмикэ боппуруостарыгар уонна матырыйаалынай-тиэхиньиичэскэй хааччыйыыга салаатын сүрүннүүр исписэлииһэ Александр Гуляев кылгастык бу курдук кэпсээтэ:
— Тус бэйэм уонна үлэлиир кэлэктиибим РФ Бэрэсидьиэнэ анал байыаннай эпэрээссийэ туһунан ылыммыт быһаарыныытын өйүүбүт. Ол быһыытынан тустаах үлэбитин суһаллык толорон көмөлөһө олоробут. Бэбиэскэ туппут мобилизованнай дьоммут кэллэхтэринэ, тутатына регистрация оҥорон, боппуруостарын быһааран иһэбит. Мин билэр дьоммуттан бу быстах ыҥырыыга бэбиэскэ тутан бардылар. Биһиги, саахса үлэһиттэрэ бары, бу мобилизацияламмыт уолаттарбыт кыайыылаах-хотуулаах эргиллэн кэлиэхтэригэр баҕарабыт.

Хаартыска — СИА.