«Алмаасэргиэнбаан» эскроу-счеттары кытта үлэлиир бырааптанна

«Алмаасэргиэнбаан» диэн өрөспүүбүлүкэ баана эскроу-счеттары кытта үлэлиир  бырааптанна.

Ол эбэтэр дьиэ тутааччылар уонна атыылаһааччылар икки ардыларыгар эрэллээх сыһыаны олохтуоҕа.  Эскроу-счет  кыбартыыра атыылаһааччы уонна дьиэ тутааччы икки ардыгар үбү ыытыһарга сөптөөх. Холобур, дьиэ атыылаһааччы укпут харчыта счекка ууруллар. Бу харчыны дьиэ тутааччы дьиэтин тутан бүтэрэн, туттаран баран биирдэ туһанар кыахтанар. Эскроу-счеттар баар буолуохтарыттан кыбартыыра атыылаһааччы албыннатыыта аччыыр.

Баан төһө рейтиннээҕэ кини кирэдьиит биэрэр төһө кыахтааҕын, эрэллээҕин уонна кини бэйэтин эбээһинэһин толорор кыахтааҕыттан тутулуктаах.  Бүгүҥҥү күҥҥэ  «Алмаасэргиэнбаан» эрэллээх баан буоларын рейтинэ дакаастыыр.