Субуотаҕа, ахсынньы 10 күнүгэр, Дьокуускайга “Айар Уус” киэҥ хабааннаах интерактивнай быыстапка-дьаарбаҥка буолуоҕа. Быыстапка ыалдьыттара норуот маастардарын ураты оҥоһуктарын көрөр эрэ буолбакка, атыылаһар кыахтаныахтара. Ону таһынан айар маастар-кылаастар уонна кэнсиэр бырагыраамата былааннаналлар. Дьаһалы АЛРОСА хампаанньа “Симэх” ускуустуба галереятын кытары тэрийэллэр.
70-ча маастар — Саха сирин бары муннугуттан национальнай култуураны харыстаан илдьэ сылдьааччылар “Куруһаала” Эргиэн киинигэр мустуохтара. Бу күн Эргиэн киинэ Хотугу сир норуоттарын ускуустубаларын үгэс буолбут көрүҥнэрин киининэн буолуоҕа. Маастардар, худуоһунньуктар, устуудьуйалар уонна норуот айар талааннаахтарын талааннаахтара, орто уонна үрдүк анал үөрэх тэрилтэлэрин устудьуоннара, норуот уус-уран оҥоһуктарын тэрилтэлэрэ быыстапка кыттыылаахтарыгар бэйэлэрин үлэлэрин билиһиннэриэхтэрэ. Онтон быыстапка кыттыылаахтара кыайыылаахтары быһаарыахтара. Норуот куоластааһына “прикладной ускуустуба” уонна “олохтоох оҥорон таһаарыы” номинацияларга лауреаттары быһаарыаҕа.
«Бу тэрээһин Норуот ускуустубатын уонна Арассыыйа норуоттарын материальнайа суох култуурунай нэһилиэстибэтин сылыгар ананар. Быыстапка сүрүн соруга – Саха сирин норуоттарын үгэстэрин харыстааһын уонна сайыннарыы, локальнай эйгэ уонна кэлэктиибинэн айар үлэ таһымын өйөөһүн (ол иһигэр, уопуту атастаһыы көмөтүнэн)”, — диэн айылҕа сирин-уотун харыстабылыгар уонна Хотугу сир аҕыйах ахсааннаах норуоттарын кытары үлэҕэ АЛРОСА отделын начаалынньыга Алена Дьяконова иһитиннэрдэ.
«Омук үгэһинэн тигиини, мастан, муостан, туостан уонна керамикаттан оҥоһуктары, омук малын-салын, сувенирдары, ювелирдар уонна уустар бородууксуйаларын, олохтоох оҥорон таһаарааччылар чэйдэрин уонна мүөттэрин – маны барытын “Айар Уус” быыстапкаҕа көрүөххэ уонна атыылаһыахха сөп”, — диэн Норуот прикладной ускуустубатын уонна уус-уран оҥоһуктарын национальнай киинин дириэктэрэ Яна Игнатьева бэлиэтээн эттэ.
“Айар Уус” ыалдьыттара норуот маастардарын ураты сэдэх оҥоһуктарын көрүөхтэрин, чугас дьонноругар Саҥа дьылга хатыламмат бэлэҕи оҥоруохтарын сөп.
Быыстапка ахсынньы 10 күнүгэр “Куруһаала” Эргиэн дьиэтигэр (Дьокуускай куорат, Аммосов аатынан уулусса, 1 дьиэтигэр) 10 чаастан саҕаланар. Киириитэ босхо.
Суоттуга сэргэх тэрээһин буолла. Өрөгөй ырыатын биһирэмигэр нэһилиэк олохтоохторо муһуннулар. Бу күн «Мичээр» сынньалаҥ киинигэр…
Дьокуускайга уһуйаан үлэһиттэригэр аналлаах "Моделирование образовательного процесса по патриотическому воспитанию в ДОО" диэн куурус ыытылынна.…
Арассыыйа бэрэсидьиэнэ Владимир Путин муус устар 28 күнүгэр бырабыыталыстыбаны кытары экэниэмикэ боппуруостарыгар мунньах ыытта. Владимир…
Муус устар бүтүүтэ күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрэрий? Дьокуускайга уларыйа сылдьар былыттаах,…
Бу сылга бастакы электроннай бэбиэскэлэри аны күһүн ыҥырыллар гражданнарга туттараллара күүтүллэр. Муус устар 28 күнүттэн…
Ил Дархан Айсен Николаев Ыйааҕынан хотугу дьиэ табатын иитиитин, идэлэригэр маастарыстыбаларын, үлэҕэ ситиһиилэрин уонна үрдүк…