Алта улуус мөрөбүөй судьуйалара бигэргэннилэр

Алтынньы 20 күнүгэр ыытыллыбыт Ил Түмэн тохсус (уочараттаах) пленарнай мунньаҕар норуот дьокутааттара мөрөбүөй судьуйалар дуоһунастарыгар киллэриллибит кандидатуралары көрдүлэр.

Дакылааты Ил Түмэн бэрэссэдээтэлин солбуйааччы – Судаарыстыбаннай тутууга уонна сокуону оҥорууга сис кэмитиэтин бэрэссэдээтэлэ Афанасий Владимиров билиһиннэрдэ.

Кистэлэҥ куоластааһын түмүгүнэн Иван Соловьев Бүлүү улууһун 11 №-дээх, Павел Федоров Горнай улууһун 12 №-дээх, Ольга Никитина Эдьигээн улууһун 13 №-дээх, Вадим Бабенов Ленскай улууһун 16 №- дээх, Любомира Горохова Муома улууһун 20 №-дээх уонна Александр Чемезов Өлүөхүмэ улууһун 25 №-дээх суут учаастактарын мөрөбүөй судьуйаларынан бигэргэннилэр.