Алтынньы 1 күнүттэн кимнээх хамнастара үрдүөҕэй?

Арассыыйаҕа алтынньы 1 күнүттэн сорох госсулууспалаахтар хамнастара 7,6%-ынан инфляциянан сылтаан үрдүөҕэ диэн Госдуума дьокутаата Алексей Говырин РИА Новостига иһитиннэрбит.

«Алтынньы 1 күнүттэн Арассыыйаҕа сорох судаарыстыбаннай сулууспалаахтар хамнастара үрдүөҕэ. Инфляция 4,5%-тан 7,6%-ҥа үрдээн, бырабыыталыстыба уурааҕар киирбит уларытыы бырайыагар олоҕурар», — диир Говырин.

Дьокутаат бэлиэтээн эппитинэн, Росгвардия, ИДьМ, ФСИН, ФССП, ФПС, таможня, фельдъегерскай сибээс үлэһиттэрин, итиэннэ байыаннай сулууспалаахтар — хантараагынан, ыҥырыынан барбыттар хамнастара алтынньыттан үрдээн, сэтинньигэ түһүөҕэ.