Хотой Айыы олорор дойдута – Төрдүс халлаан. Бу халлаан сып-сырдык алгыска көтөҕүллүбүт. Хотой Айыы «түрбүү кынаттаах, мултугур бүлгүннээх, хомполлубут быһыылаах, дьондоллубут сотолоох. Кини көтөр буолан көстөр дьүһүнэ итинник. Оттон киһилии киэптэннэҕинэ – суо-хаан сэбэрэлээх, дьиппиэн хааннаах эр киһи.
Хотой былаастаах, тэрээһиннээх буолууну көрдөрөр. Айыылар холбоһон түмүллүбүт күүстэрэ Хотой Айыынан тахсар. Кинилэр Орто дойдуга саха дьонун санаата хайдах түмүллэрин көрө-истэ олороллор диэн өйдүүллэрэ төрүттэрбит. Хотой күүһү, былааһы бэлиэтиир. Кини дьону түмэр, сомоҕолуур, тэрийэр суолталаах. Оттон саха дьонугар түмсүү төрүтэ – көмүскэс, аһыныгас буолуу, бэйэ-бэйэҕэ көмөлөһүү.
Күн-дьыл билгэтэ
Ый устата 17 – 20 мм сөҥүү түһэр. Температура – 5, — 15 кыраадыс. Сороҕор хаара суох дьогдьоот күһүн буолар. Хаар алтынньы ортотугар түстэҕинэ ууллубат. Куобах маҥхайар.
1 – туруйа соҕуруу көттөҕүнэ, алтынньы 14-гэр диэри тымныы түһэр, оттон ити күн көппөтөҕүнэ, сэтинньи 2-гэр диэри тымныы түһүө суоҕа.
7 – күн ат хаамыытынан кылгыыр.
8 – хаар түстэҕинэ, сэтинньи 21-гэр өрүһү таһаҕастаах атынан туорууллар. Хаппыыста тууһууллар.
17 – кыһын саҕаланар.
18 – муус аннынан муҥхалааһын саҕаланар. Күөл тааҥныыр.
23 – ый туолуута.
rgtaatta.ru саайтан.
СИА хаартыската.
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…