Алтынньыга кимнээх биэнсийэлэрин үрдэтэллэрин туһунан Госдуумаҕа кэпсээтилэр

Арассыыйаҕа байыаннай биэнсийэлэри уонна акылааттары алтынньы 1 күнүттэн индексациялыахтара, диэн РИА Новостига  Госдуума үлэҕэ кэмитиэтин баһылыга Ярослав Нилов иһитиннэрдэ.

“Алтынньы 1 күнүгэр байыаннай биэнсийэни, ону тэҥэ акылааты индексациялыахтара. Байыаннайдар биэнсийэлэрин сылга иккитэ үрдэтэллэр: сыл саҕаланыытыгар уонна алтынньы 1 күнүгэр. Кэлэр сылга буолуохтаах индексация туһунан эттэххэ, күһүн бүддьүөтү торумнааһыҥҥа дьүүллэһиллиэ”, — диэтэ Нилов.

Депутат этэринэн, байыаннай биэнсийэ Оборуона министиэристибэтигэр эрэ буолбакка, бары сэбилэниилээх күүстэргэ сыһыаннаах, биэдэмистибэннэй биэнсийэлэр эмиэ индексацияланыахтара.

“Былырыын бүддьүөтү быһаарсыыга бу чопчуламмыта, үп-харчы, бары коэффициеннэр угуллубуттара,  онон индексация быйыл буолуоҕа. Ону тэҥэ күһүн бүддьүөтү торумнааһыҥҥа эһиилги сылга байыаннай биэнсийэни кытта сибээстээх үп угуллуо”, — диэн ситэрэн эттэ.