Амма улууһун Эмис нэһилиэгэр айан суолун сырдатыы олоххо киирдэ.
Бу суолталаах үлэ туһунан нэһилиэк баһылыга Прокопий Бубякин сырдатта:
— Өр кэмҥэ былааннаабыт үлэбитин – трассаттан туораан, Саппыйанан киирэр айан суолун сырдатыыны дьэ олоххо киллэрдибит. Нэһилиэктэрин тупсарыы үлэтиттэн туора турбат эр дьон, электрик Степан Наумов уонна уус Данил Тимофеев ылсан, түргэнник-тарҕаннык туттан үлэлэстилэр. Дьаһалта үлэһиттэрэ Амматтан көҥүл ылыы, документация өттүн түргэнник бөрөөтүлэр, финансовай блок дуогабары, счету, төлөбүр барыытын кыайа тутта.
Ол түмүгэр Саппыйаҕа 15 устуука “Feron” светодиоднай лаампаны ыйаатыбыт. Саппыйаны сырдатыы бырайыагын туһунан кэпсэтии улуус баһылыга Николай Архиповы кытта бүтэһик кэпсэтиибит этэ. Наһаа үөрбүтэ, «кытаатыҥ, аммалар бастакы нэһилиэкпит, эмиэ бырамалар курдук, суолгут сандааран олордун» диэн тэтимирдибитэ. Онон бу үлэни кини сырдык кэриэһигэр аныыбыт. Маны таһынан, нэһилиэк иһигэр баар эрээри, алдьаммыт лаампалары уларыттыбыт — Бааккылаах, Куула, Умсааннаах эргин — барыта 17 лаампа. Өссө уларыйа илик сайаапкалар бааллар. Олору мунньан, дьаһалта дуогабардаһан, үлэ оҥоһуллар буолуоҕа. Түмүк сыалбыт – Эмис иһэ киэһэ сып-сырдык буолуохтаах, сырдык кэрэ туочукалар элбиэхтээхтэр (Эйэ муостата, Элбэх өҥөнү оҥорор тэрилтэ тэлгэһэтэ), сырдык уулуссалар. Барыта биирдэ кыаллыбат, туох да харчы онно «тук» буолбат. Сыыйа иннибит диэки баран иһиэхпит. Аны Набережнайга, Чэчиргэ саҥа уот лиинийэтин тардар сорук турар.
Эмис нэһилиэгин олохтоох дьаһалтатыгар былааннабыттара барыта кэмигэр туоларыгар баҕарабыт.
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…