Амма — Хочо — Тиэлиги — Даркылаах суолу өрөмүөннүүллэр

Амма — Хочо — Тиэлиги — Даркылаах айан суолун 69 км  «2022-2026 сылларга айан суолун-ииһин биир кэлим сайдыыта» тус сыаллаах муниципальнай бырагыраама иһинэн өрөмүөн үлэтэ ыытыллар.

Улуус баһылыгын бастакы солбуйааччы Василий Михайлов, Лазарь Васильев салайааччылаах Тырааныспар, суол-иис хаһаайыстыбатын уонна инфраструктуратын салалтата  сэтинньи 9 күнүгэр үлэ хаамыытын көрдүлэр.

Билиҥҥи туругунан суол оҥоһуута Булума учаастагар бара турар. Уопсайа 6,6 км усталаах суол учаастага  өрөмүөннэниэҕэ. Үлэ ыытыллар сиригэр уон улахан уйуктаах тиэхиньикэ үлэлиир: биир бульдозер, сэттэ самосвал массыына, погрузчик уонна бульдозер.

Өрөмүөн үлэтэ барыллаан бу ый 20-с күннэригэр  түмүктэнэрэ былааннанар.

Мэҥэ Хаҥалас улууһун дьаһалтатын пресс-сулууспата