29 cаастаах эр киһи харчылаһар туһуттан Амур уобалаһыттан кэлэн, Саха сиригэр наркотик тарҕатарга соруммут.
Наркотигы тарҕатыыны утары үлэлиир Арассыыйатааҕы Хотугулуу-Илиҥҥи ИДьМ тырааныспарка линейнэй управлениетын үлэһиттэрин суһал хамсаныыларынан хаста да сууттана сылдьыбыт Амур уобалаһын олохтооҕо тутуллубут. Кини сокуону кэһэн туран, мефедрон диэн наркотик көрүҥүн өрөспүүбүлүкэ олохтоохторугар атыылыырга санаммыт. Силиэстийэ кэмигэр биллибитинэн, эдэр киһи тэриллиилээх бөлөххө кыттыгастаах эбит. Бөрөстүүпүнэй бөлөх чилиэннэрин кытта үлэлээн атыылыам диэн сорунан улахан баартыйа мефедрону Саха сиригэр киллэрбит. Ол эрээри, соруммут соругун тиһэҕэр тиэрдибэтэх. Буруйданааччы наркотигы атыылаары хаһаана сылдьыбытын туһунан полиция үлэһиттэригэр билиммит. Онон Арассыыйатааҕы Хотугулуу Илиҥҥи ИДьМ тырааныспарка линейнэй управление силиэстийэлиир салаата Арассыыйа Федерациятын Холуобунай кодексатын 30 ыст. 3 ч, 228.1 ыст. 4 ч Холуобунай дьыала тэрилиннэ. Бу ыстатыйанан буруйдаах киһи 20 сылга диэри көҥүлү сарбыллыан сөп.
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Өрөспүүбүлүкэ арҕаа өттүгэр, күнүс соҕуруу…
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…
Бүгүн, муус устар 19 күнүгэр, сарсыарда Уус Алдан улууһун Балыктаах сэлиэнньэтигэр Васильев уулуссатыгар дьиэ умайа…