Анаабыр улууһун баһылыга Эдуард Платонов «МирМилк» дириэктэрин кытары көрүстэ

Анаабыр улууһун баһылыга Эдуард Платонов СӨ норуодунай дьокутаата, «МирМилк» генеральнай дириэктэрэ Татьяна Шарованы кытары үлэ сүнньүнэн көрүстэ.

Көрсүһүү түмүгүнэн, кинилэр бииргэ үлэлэһэр туһунан сөбүлэҥ түһэристилэр. Бэлиэтээн суруйдахха, Анаабырга саҥа дьыл эрэ иннинэ үүт собуота аһыллан үлэтин саҕалаабыта. Онон  көрсүһүү үлэҕэ-хамнаска, үүт бородууксуйатын улууска дэлэтиигэ туһалаах буолуоҕун туһунан Эдуард Платонов эрэлин биллэрбит. Анаабыр улууһугар аһыллыбыт үүт собуота сүрүннээн олохтоох нэһилиэнньэни уонна «Анаабыр Алмаастара» улахан бырамыысыланнай тэрилтэни үүт аһынан хааччыйар соруктаах.