Анатолий Семенов байыаннай дьайыы кыттыылаахтарын көрүстэ

СӨ Бырабыыталыстыбатын Бэрэссэдээтэлин солбуйааччы Анатолий Семенов кылгас болдьохтоох уоппускаҕа кэлэ сылдьар байыастары көрүстэ.

Байыастар БПЛА этэрээтигэр сулууспалыыллар. Уустук уонна суолталаах соруктары пилота суох көтөр аппарааттары туһанан бойобуой дьайыыларга да, атын да эпэрээссийэлэргэ толороллор.

Көрсүһүү кэмигэр Анатолий Семенов байыастарга Ил Дархан Айсен Николаев аатыттан саха быһахтарын туттарда, сулууспаларын, хорсун санааларын иһин махтанна.

.Санатар буоллахха, 2022 сылтан П.И.Дудкин аатынан Дьокуускайдааҕы сибээс уонна информационнай технологиялар кэллиэстэрин баазатыгар БПЛА оператордарын үөрэтэр киин үлэлиир. Бүгүҥҥү күн туругунан онно 755 киһи үөрэммит. Итинтэн 535 киһи байыаннай эпэрээссийэ кыттыылаахтарынан буолаллар.

Маны таһынан, өрөспүүбүлүкэҕэ  пилота суох көтөр аппарааттары оҥорон таһаараллар, олор байыастар этэллэринэн, бойобуой усулуобуйаҕа эрэллээхтэрин уонна көдьүүстээхтэрин көрдөрбүттэр. Кэлэр сылга пилота суох авиационнай систиэмэлэр научнай-производственнай кииннэрэ арылларынан, бу хайысхаҕа үлэни күүһүрдэр сорук турар.

СӨ Ил Дарханын уонна Бырабыыталыстыбатын пресс-сулууспата