Арассыыйа Бырабыыталыстыбата ИТ эйгэтигэр национальнай бириэмийэни олохтоото

Бырабыыталыстыба “Цифровые решения” сыллата бэриллэр национальнай бириэмийэни олохтуурга быһаарыныыны ылынна. Бу дойдуга цифровизацияны сайыннарыыга дьоһун кылааттарын киллэрэр ИТ-бырайыактары биһириэҕэ.

Онон бырабыыталыстыба таһымнаах тутаах наҕараада буолуоҕа. Бириэмийэ аан бастаан быйыл сэтинньи 12-15 күннэригэр “Цифровые решения” пуорумҥа туттарыллыаҕа.

Бириэмийэ сыала – бастыҥ ИТ-таһаарыылары бэлиэтээһин. Куонкуруска стартаптартан саҕалаан бөдөҥ корпорациялар кыттыахтара.

“Цировые решения” национальнай бириэмийэ иһитиннэрэр технологияларга тутаах наҕарааданан буолуоҕа. Бириэмийэ ИТ туһаныы киэҥ эйгэтин хабыаҕа. Бириэмийэ сыыппара эйгэтигэр саҥа хамсааһыннары көҕүлүөҕэ диэн эрэнэбин”, — диэтэ РФ Бырабыыталыстыбатын Бэрэссэдээтэлин солбуйааччы – Бырабыыталыстыба Аппараатын салайааччыта Дмитрий Григоренко.

Бу бириэмийэ аҕыс хайысханан бэриллиэҕэ: “Информационная безопасность”, “Программное обеспечение”, “Связь и телекоммуникации”, “Платформы и сервисы”, “Искусственный интеллект”, “Кадры и образование”, “Государственные услуги”, “Информационная инфраструктура”.

Бириэмийэҕэ сайаапкалары ылыы 2025 сыл балаҕан ыйын 24 күнүттэн алтынньы 9 күнүгэр диэри ыытыллар. Сайаапканы “Цифровые решения”: форумцифровыерешения.рф. ИТ-пуорум саайтыгар ыытыахха сөп. Наҕараадалааһын Москваҕа “Россия” национальнай кииҥҥэ сэтинньи 12-15 күннэригэр ыытыллыаҕа.

Бириэмийэни көҕүлээччилэр – РФ Бырабыыталыстыбата уонна Арассыыйа Сыыппараҕа министиэристибэтэ. Бириэмийэ оператора – “Национальные приоритеты” АНУо.

Сиһилии: https://www.sakha.gov.ru/news/12716