Ахсынньы аам-даам тымныытын аахсыбакка туран, бэҕэһээ, ахсынньы 17 күнүгэр, Археология уонна этнография мусуойугар “Үгэс — Иэйии — Айымньы” диэн Саха сирин маастардарын быыстапката аһылынна.
Манна талба талааннаах иистэнньэҥнэр, тимир уустара, мас уустара уонна да атын ураты суоллаах маастардар үлэлэрэ турдулар. Тэрээһин ааптара – биллиилээх маастар, учуонай Светлана Ивановна Петрова-Уран Хатыҥ. Саха Өрөспүүбүлүкэтигэр биллэр-көстөр маастардары көччөх гынан көтүппүт уһуйааччы, быраактык-теоретик учуутал.
Быыстапкаҕа анаан-минээн Сахабыт сирин үгүс улуустартан муһуннулар, Орто Халыма, Дьааҥы, Кэбээйи курдук ыраах сирдэртэн кэлитэлээтилэр. Чугас сытар улуустартан этэ да барыллыбат, элбэх маастар кэлэн кытынна. Маны таһынан, саха каталогун 2 чааһа – Саха сирин декоративнай-прикладной искусствотын каталога сүрэхтэннэ, кинигэ ааптардарынан Светлана Ивановна Петрова уонна бырайыак ааптара, кинигэ таһаарааччы Анетта Андреевна Егорова буолаллар.
Бу үөрүүлээх түгэнинэн туһанан маастардар айар аартыктарын арыйар киһилэригэр С.И. Петроваҕа сүгүрүйэллэрин биллэрэн үгүс махтал тылларын эттилэр. Учуонай С.И. Петроваҕа үөрэнии иис-уус эрэ сайдааһыныгар буолбакка, ону-таһынан сахабыт тыла сайдыыта эмиэ көстөрүн болҕомтоҕо ыйдылар. Элбэх умнууга баран эрэр сахалыы тылбытын биллибит-көрдүбүт дииллэр, төрүт тылбыт сайдара манна эмиэ ньыма буолара бэлиэтэннэ. Ону тэҥэ, элбэх киһи үлэнэн хааччылыылаах буолуута эмиэ бэлиэтэннэ.
Онон тохсунньу 31 күнүгэр диэри быыстапкаҕа сылдьыҥ, көрүҥ.
Бу күннэргэ Нам улууһугар оҕуруот аһын уонна хортуоппуй үүннэриитинэн дьарыктанар бааһынай хаһаайыстыбалар субсидия (көмө харчы)…
Оҕону иитэ ылар ыалга (эппэкииннэргэ, попечителлэргэ) биирдэ бэриллэр төлөбүр төлөнөр. Кинилэр РФ гражданнара буолуохтаахтар уонна…
Бу күннэргэ дойду тэбэр сүрэҕэр, Москва куоракка, «Хоту сир баайа. Арассыыйа маастардара уонна худуоһунньуктара» быыстапка-дьаарбаҥка…
Муус устар 30 күнүгэр уонна ыам ыйын 1 күнүгэр Күҥҥэ күүстээх эстиилэр буоллулар. Онон ыам…
Ойуур баһаардара дьон олоҕор, кыылга-сүөлгэ уонна үүнээйилэргэ улахан кутталы үөскэтэллэр. Ойуур хаһаайыстыбатын сулууспатыгар эрийэн тиийэр…
Ыам ыйа - Айыыһыт түһэр кэмэ. Саха айылҕаҕа сүгүрүйэн, араас туому толорор. Сайын саҕаланар. Иэйиэхсит…