Артур Бурцев Царскосельскай марафон чөмпүйүөнүнэн буолла

Аатырбыт Саха сирин спортсмена, Уус Алдан улууһуттан Артур Бурцев Санкт-Петербурга 11 км ыраах дистанцияҕа Царскосельскай марафоҥҥа  үрүҥ көмүс мэтээли ылары ситистэ.

Күрэхтэһиигэ 1600-тэн тахса успуорт таптааччылара кытыннылар. Бу туһунан «Триумф» пресс-сулууспата иһитиннэрэр.

Кинилэр ортолоругар 37 саастаах Артур Бурцев 33 мүнүүтэ 18 сөкүүндэни көрдөрөн, иккис миэстэҕэ таҕыста.

Бастакы миэстэни Санкт-Петербургтан Валентин Смирнов бастакы миэстэни ылан, Европа уонна сайыҥҥы Универсиада чөмпүйэнээтин кыайыылааҕынан буолла.

Санатан эттэххэ, Артур Бурцев Уус Алдан улууһуттан чэпчэки атлетикаҕа өрсөпүүбүлүкэ чөмпүйүөнэ, «Манчаары оонньуулара» успуорт национальнай көрүҥнэригэр спартакиада уонна Саха сирин норуоттарын успуорт оонньууларын хас да төгүллээх кыайыылааҕа.