Татьяна Алексеева хаартыскаҕа түһэриитэ
Горнай улууһун Атамай нэһилиэгин дьоно улаханнык сэргэхсийэн, үөрэн-көтөн, дойдулаахтарын бэлэҕиттэн астынан, киэн туттан сылдьаллар. Бу туһунан Айсен Павлов сэһэргиир.
Ол курдук, элбэх өҥөнү оҥорор киин арыллыбытынан, дойдутун дьонугар-сэргэтигэр урбаанньыт Владимир Георгиевич Павлов икки теннис остуолун бэлэх ууммута үөрүүнү-көтүүнү хас эмэ бүк үрдэттэ. Онон нэһилиэк олохтоохторо улаханнык астынан, санаабыт кынаттанан сылдьабыт. Маннык үтүө дьонноохпутунан киэн туттабыт.
Владимир Георгиевич 2009-2010 сс. саҕалаан тутуу матырыйаалынан дьарыктанар. Кини дьиэ тутарга аныгылыы матырыйаалы оҥорон таһаарар, ону тэҥэ дьиэ тутар. Маныаха дойдутун ыччаттарын хамаандатыгар хомуйан элбэххэ үөрэттэ. Үлэҕэ үөрэппит- такайбыт уолаттара номнуо бэйэлэрэ урбаанньыт буолан, тус-туһунан хамаанда тэринэн, өрөспүүбүлүкэбит араас муннуктарынан дьиэ арааһын тутан үлэһит үтүөтэ буолан сылдьалларын истиэххэ, көрүөххэ астык. Владимир маны сэргэ төрөөбүт дойдута сайдарын туһугар куруутун көмөлөһөр, өйөбүл буолар. Араас тэрээһиннэргэ, успуорт күрэхтэһиилэригэр успуонсардыыр.
Атамайдар дойдутун туһугар бэриниилээх уоллаахпытынан киэн туттабыт уонна махталбытын тиэрдэбит. Киниэхэ чэгиэн доруобуйаны, үлэтигэр өссө үрдүк ситиһиилэри, бары үтүөнү баҕарабыт.
Айсен Павлов
Атамай, Горнай.
Бу күннэргэ хоту дойду үгүс олохтоохторо кыстыыр балыктарын булунаары, айахтарыгар сииллэригэр анаан муус аннынан балыктыыллар.…
Күһүн, кыһын хаар түстэҕинэ, ириэрдэҕинэ, суолга муус-хаар бөлтөркөйдөр үөскээн, массыынаҕа да, сатыы дьоҥҥо да мэһэйдииллэр.…
Бүгүн, алтынньы 29 күнүгэр, Дьокуускай куорат Губинскай уокуругар саҥардыллыбыт Ефимов уулуссата үлэҕэ киирдэ. Бу суол…
Быйыл ахсынньыга Саха сиригэр «Хаар баабыр» («Снежный барс») XXVII Өрөспүүбүлүкэтээҕи байыаннай-успуорт оонньуулара былааннаналлар. Бу тэрээһин…
Анал байыаннай дьайыы зонатыгар Саха сирин тирэх пууннарын үлэһиттэрэ нэдиэлэ иһигэр 11 төгүл тахса сырыттылар.…
Дьокуускайдааҕы Саха политиэхиньиичэскэй лиссиэйигэр «Пилоты будущего» диэн дрону салайыыга Бүтүн Арассыыйатааҕы куонкурус эрэгийиэннээҕи түһүмэҕэ түмүктэннэ.…