Байыаннай биэлсэр дойдутугар эргилиннэ

Бүгүн анал байыаннай эпэрээссийэ кыттыылааҕа, биэлсэр Евгений Скрябин дойдутугар эргилиннэ. Кини муус устарга анал эпэрээссийэҕэ баҕа өттүнэн барарга суруйтарбыта. 

Евгений Скрябин кэпсиир:

— Быраастар тиийбэттэрин туһунан иһитиннэриини истэн баран,  тута барарга быһаарыммытым уонна Саха сириттэн ДОСААФ этэрээтин кытары барбытым. Миигин кытары өссө икки быраас баар этэ. Байыаннай дьайыыларга сылдьаҥҥын эн таскар сылдьар киһи ыарахан кэмҥэ көмөлөһөргө бэлэмин бигэтик өйдүүгүн. Урут да, билигин да сэрии хонууутугар туох буола турарын өйдөөбөт дьон баар. Мин фроҥҥа сылдьан Арҕааҥҥы дойдулар биһиги сирбитигэр кимэн киирэллэрин өйдөөтүм. Бу сэриитимсийиигэ олохтоох дьон уонна биһиги дьиэ кэргэттэрбит эмсэҕэлииллэрэ хомолтолоох», —диэтэ Евгений.

“Боотур” баҕа өттүнэн барааччылар этэрээттэрин хамандыыра Александр Боотур этэринэн, байыаннай быраастар байыас уонна эмчит быһыытынан сулууспалыыллар.

«Евгений биһигини кытары бастакы кэккэҕэ сылдьыбыта. Атаҕын өлөрбүтүгэр мин кинини тыылга ыытарга быһаарыммытым. Биллэн турар, байыаннай биэлсэрдэр кылааттара тугунан да кэмнэммэт. Кинилэр бааһырбыттарга бастакынан мэдиссиинискэй көмөнү оҥороллор”, — диэтэ Боотур.