Байыаннай дьайыы кыттыылаахтарын дьиэ кэргэттэрэ дьиэлэнэллэригэр көмө ылыахтара

Байыаннай дьайыы кыттыылаахтарын дьиэ кэргэттэрэ дьиэ атыылаһалларыгар эбэтэр тутталларыгар эбии көмөнү ылыахтара. Көмө сууммата дьиэ сыанатын 30-35% буолуоҕа.

Бу туһунан дьаһалга РФ бырабыыталыстыбатын бэрэссэдээтэлэ Михаил Мишустин илии баттаабыт.

Ол курдук, төлөбүр 35 саастарыгар диэри эдэр дьиэ кэргэҥҥэ көрүллэр. Ыал оҕолооҕо, оҕото суоҕа оруолу оонньообот. Маны таһынан судаарыстыбаннай өйөбүлү 35 сааһыгар диэри саастаах соҕотох төрөппүт ылыан сөп. Көмөҕө наадыйааччы дьиэтин тупсарарыгар туһуланар.

Маннык көмөнү үстэн элбэх оҕолоох эдэр дьиэ кэргэттэр, ол курдук 2005 сыл кулун тутар 1 күнүгэр диэри учуокка  турбут ыал ылар этэ. Билигин маннык быраабы байыаннай дьайыы кыттылаахтарын дьиэ кэргэттэрэ туһаныахтара. Көмө харчыны ипотеканан дьиэ атыылаһарга эбэтэр дьиэ туттарга туһаныахха сөп.