Байыаннай дьайыы зонатыгар тиэхиньикэ саҥа баартыйата ыытылынна

Саха сириттэн анал байыаннай дьайыы зонатыгар Хаҥалас уонна Бүлүү улуустарын дьаһалталарын, ону кытта көхтөөх олохтоохторун көмөлөрүнэн босхо бэриллибит 4 массыына ыытылынна.

Бу туһунан бүгүн, муус устар 3 күнүгэр, Гражданскай оборуона уонна нэһилиэнньэ олоҕор-дьаһаҕар куттал суох буолуутун хааччыйар миниистирэ Дмитрий Лепчиков иһитиннэрдэ.

Кини эбии оборудованиелар уонна тиэхиньикэ байыаннай дьайыы зонатыгар тиэрдии урут олохтоммут кыраапыгынан уонна хантараагы түһэрсии хаамыыта оҥоһуллан ыытылларын бэлиэтээтэ.

«Ол курдук, ааспыт нэдиэлэҕэ БПЛА оператордарын подразделениета баар Илин байыаннай уокурукка туһулаан байыаннай-матырыйаалынай сыаннастары атыылаһыы куонкуруһугар Саха сирин суһал ыстааба кыттарын саҕалаата», — диэн Дмитрий Лепчиков кэпсээтэ.

СӨ Ил Дарханын уонна Бырабыыталыстыбатын пресс-сулууспата