Байыаннай эпэрээссийэҕэ кыттар доброволецтарга баһыылка тиийиэҕэ

Саха сириттэн байыаннай эпэрээссийэҕэ кытта сылдьар доброволецтарга анаан баһыылкалары тиэммит хас даҕаны массыына Москваттан Донбааска айаннаата.

Сулууспалааччыларга өрөспүүбүлүкэ нэһилиэнньэтин аатыттан наадалаах мал-сал, дьиэ кэргэттэриттэн суруктар, баһыылкалар тиийиэхтэрэ.

Бу туһунан СӨ Уопсастыбаннай палаататын бэрэссэдээтэлэ Николай Бугаев иһитиннэрдэ:

— Бу биһиги бастакы эрэ көмөбүт буолбатах. Ааспыт сырыыларга курдук экипировка кэмпилиэктэрин кытта баһыылкалары тиэрдиэхпит. Сулууспалыы сылдьар уолаттарбытын өйүүр бар дьоҥҥо, Ил Дархаҥҥа, бырабыыталыстыбаҕа улахан махталбын ыытабын. Бу ситимнээх үлэбит өссө да салҕаныаҕа.

СӨ Ил Дарханын уонна Бырабыыталыстыбатын дьаһалтатын пресс-сулууспата.