Байыастар 584 төрөппүтэ санаторнай-курортнай эмтэниини аастылар

Саха сиригэр байыаннай дьайыы кыттыылаахтарын 584 төрөппүтэ санаторнай-курортнай эмтэниини аастылар. Бу туһунан олунньу 17 күнүгэр СӨ Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ.

«Байыаннай дьайыы кыттыылаахтарын төрөппүттэригэр бу көмө үс сылга биирдэ 65 тыһыынча солкуобайга диэри санаторий-курортнай эмтэнии төлөбүрдэрин толуйалларыгар бэриллэр», — диэтэ Георгий Степанов.

Вице-премьер санаторнай-курорка путевка сыанатын бүтэһиктээхтик ааҕыыты санаторий- курортнай эмтэниигэ путевканы ылыыга дьиҥнээх ороскуотун туоһулуур докумуоннары көрдөрүү кэннэ оҥоһулларын бэлиэтээтэ.

Ону таһынан байыастарга уонна кинилэр дьиэ кэргэттэригэр аадырыстаах көмөнү оҥоруу салҕанар. Георгий Степанов иһитиннэриитинэн, бүгүн 177 ыал олорор дьиэтин гаастааһыҥҥа материальнай көмө оңоһулунна, 423 киһи байыаннай сулууспаҕа байыас эмтэнэр сиригэр айанныырга материальнай көмөнү ылла.

1071 байыас уонна 1876 чилиэттэрэ доруобуйа харыстабылын уонна социальнай хааччыйыы тэрилтэлэригэр реабилитациялааһыны аастылар. 376 киһи дьиэтигэр уонна стационарнай аҥаардаах социальнай өҥөнү туһаммыттар. Нэһилиэнньэ дьарыктаах буолуутун кииннэригэр үлэнэн хааччыйыыга 663 киһи, ол иһигэр 234 байыас уонна 429 дьиэ кэргэттэрин чилиэннэрэ тиийбиттэр. Онтон 154 киһи профессиональнай үөрэххэ ыытыллыбыт, 410 киһи үлэнэн хааччыллыбыт.

Санатан эттэххэ, Ил Дархан Айсен Николаев Ил Түмэҥҥэ туһаайан этиитигэр эйэлээх олоххо төннөн кэлбит байыастарга социальнай адаптациялааһыны ыытыы биир сүрүн соругунан ааттаабыта, диэн СӨ Ил Дарханын уонна Бырабыыталыстыбатын пресс-сулууспата суруйар.