«Басхан» улуустааҕы түһүмэх кыайыылааҕа — Айаан Горохов

Бу күннэргэ Сунтаарга өрөспүүбүлүкэтээҕи  «Басхан-2024»  күрэх улуустааҕы түһүмэҕэ тэрилиннэ.

Дьылабыай оонньууга 22 обургу саастаах уолаттар кыттыыны ылан удьуордарын утумун кэпсээтилэр, араас эйгэни хабар ыйытыктарга хоруйдаатылар, дебаттаан мөккүһэн да ыллылар, түмүккэ хоһоону айан ситэрдилэр.

Ону кытта дойду, өрөспүүбүлүкэ  таһымнаах басханнары төһө билэллэрин тургуттулар.

Басхан диэн суолтата «бас — хаан», о.э. салайар, бас-көс хаан диэн өйдөнөр, нууччалыы — «лидер».

Үөрүүлээх түһүлгэ БАСХАНЫН КЫЛААНЫН аатын Сунтаар лиссиэйин 9 «б» кылаас үөрэнээччитэ Айаан Горохов сүктэ. Айаан аны  өрөспүүбүлүкэҕэ  улуус чиэһин муус устар ыйга көмүскүөҕэ.

Тускулаана ГОРОХОВА-КОБЕЛЬЯНОВА