Салгыы
Бассаабынан үлэ көрдөөрү харчытын уордарбыт…

Бассаабынан үлэ көрдөөрү харчытын уордарбыт…

Ааптар:
07.01.2023, 16:00
Бөлөххө киир:
Дистанционнай түөкүттэр албастарыгар  киирэн биэрэ турааччы ахсаана намтаабат. Ис дьыала министиэристибэтин пресс-сулууспата иһитиннэрбитинэн, Саҥа дьыллааҕы өрөбүллэргэ өрөспүүбүлүкэ олохтоохторо уопсайа балтараа мөлүйүөн суумалаах харчыны түөкүттэргэ «ууран биэрбиттэр».
Ол курдук, Дьокуускай куоракка тутуу техникумугар үөрэнэр бастакы куурус устудьуона үлэлээн харчылаһар баҕаттан, бассаабынан кэлбит иһитиннэриигэ хараҕа хатаммыт. Онно биир  Наталья диэн ааттаах дьахтар ыйыллыбыт сыылканан киирэн баран,  табаар түргэнник атыыга барарын туһугар «лайк» туруорарга сүбэлээбит.  Ол кэнниттэн туһааннаах табаары атыылаһарыгар уонна ол харчыта тута бэйэтигэр төннүө диэн эппиттэр.  Маны таһынан хайа эрэ саайтка баан каартатын нүөмэрин уонна дааннайдарын суруйарыгар сүбэлээбиттэр. Хомойуох иһин, ол кэнниттэн уол счетуттан  20 тыһ. солк. уоран ылбыттар.

Өссө биир түбэлтэ. Дьокуускай куорат биир олохтооҕо  массыынатынан дьону таһан дохуот аахсаары, такси сулууспатын онлайн-сервиһигэр регистрацияламмыт. Тохсунньу  2  күнүгэр киниэхэ ресторантан «доставкаҕа» улахан сакаас киирбит. Төлөпүөнүнэн сакааһы оҥорбут киһи рестораҥҥа «доставка» харчытын төлөөбүтүн туһунан эппит.  Уонна СМС-иһитиннэриини суоппарга ыыппыт.Суоппар харчы киирдэ быһыылаах диэн, банкоматтан баран  25 000 солкуобайы устубут уонна түөкүттэр эппит нүөмэрдэригэр ыыппыт…

Бу курдук хабааннаах дистанционнай түөкүннээһиҥҥэ үгүс дьон киирэн биэрэ турар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -14°C
  • Ощущается: -21°Влажность: 43% Скорость ветра: 5 м/с

Сообщить об опечатке

Текст, который будет отправлен нашим редакторам: