Бастакы кылаас үөрэнээччилэрэ Ил Дархантан күннүгү, «Алеша» тааҥка экипааһа уруһуйдаах тэтэрээттэри бэлэх туттулар

Бастакы кылаас үөрэнээччилэрэ Ил Дархан Айсен Николаевтан күннүктэри уонна «Алеша» тааҥка экипааһа уруһуйдаах тэтэрээттэри бэлэх туттулар. 

Бу туһунан Дьокуускай куорат үөрэҕин управлениетыгар оскуола үлэһиттэрэ санааларын үллэһиннилэр.  Куорат 2-с нүөмэрдээх оскуолатыгар быйылгы үөрэх дьылыгар бастакы кылааска 178 оҕо үөрэнэ киирбит.

—  Долгуйа күүппүт линейкабыт бэрт сэргэхтик ааста. Онтон кылаастарынан тарҕаһан бастакы уруокпутун аастыбыт. Төрөппүт бөҕө тоҕуоруһан долгутуубутун өссө күүһүртүлэр. Учууталларбыт Саха Өрөспγγбγлγкэтин Ил Дархана Айсен Николаев бэлэхтээбит күннүгүн, ону таһынан «Алеша» тааҥка экипааһа уруһуйдаах  тэтэрээт туһунан кэпсээбиттэрин сэргии иһиттибит. Күннүгү туһанан бэйэбит олохпутун былаанныы, элбэҕи ситиһэ үөрэниэхпит. Махталбыт муҥура суох», — диэн 2-с нүөмэрдээх оскуола  үөрэнээччилэрэ  кэпсээтилэр.