Бастыҥ үөрэнээччилэр Михаил Николаев ”Билиигинэн — кыайыаҥ” анал истипиэндьийэтин туттулар

Бастыҥ үөрэнээччилэр Михаил Николаев ”Билиигинэн — кыайыаҥ” анал истипиэндьийэтин туттулар

14.11.2022, 18:55
Бөлөххө киир:

Саха сирин биэс олохтооҕо Михаил Николаев  «Билиигинэн — кыайыаҥ” анал истипиэндьийэтин тутта. Кимнээх уонна туох иһин ыллылар?

Бириэмийэни Саха сирин бастакы бэрэсидьиэнин күн сирин көрбүт күнүгэр туттардылар.

Саха сирин бастакы бэрэсидьиэнин “Билиигинэн –кыайыаҥ”  норуоттар икки ардыларынааҕы анал бириэмийэтигэр 70-тан тахса сайаапка киирбитэ.  Кинилэртэн уопсастыбаннай хамыыһыйа  биэс бастыҥы талбыта, кинилэргэ эрэгийиэн тэлэбиидэнньэтин быһа эпииригэр наҕараадалары туттардылар, диэн СИА иһитиннэрэр.  Истипиэндьийэни туттарыы Михаил Николаев төрөөбүт күнүгэр 21-с төгүлүн ыытылынна. Үгүс сылларга бириэмийэ педагогическай маастарыстыбаны уонна саҥаны киллэриини билиниинэн, талааннаах оҕолору уонна улахан дьону өйөөһүнүнэн буолар. Саха сирин баһылыга Айсен Николаев Михаил Николаевы  85 сааһынан эҕэрдэлээтэ. Кини бу истипиэндьийэ дойдуга сүрүн бириэмийэлэртэн биирдэстэринэн буолан, дэгиттэр талааннаах оҕолору өйөөһүҥҥэ уонна булууга, учууталлар уонна педагогтар үлэлэрин үрдүктүк сыаналааһыҥҥа туһуламмытын бэлиэтээтэ: “Сыллата бириэмийэ лауреаттарынан наукаҕа уонна технологияларга, норуоттар икки ардыларынааҕы уонна Бүтүн Арассыыйатааҕы биридимиэттэринэн олимпиадаларга, култуураҕа уонна искусствоҕа үрдүк ситиһиилээх  өрөспүүбүлүкэ оскуолаларын үөрэнээччилэрэ буолаллар.  Бириэмийэнэн үөрэхтээһиҥҥэ өрөспүүбүлүкэбит талааннаах оҕолорун эргиччи өттүнэн сайыннарбыт педагогтар уонна учуонайдар наҕараадаланаллар”.

Саха сирин бастакы бэрэсидьиэнэ Михаил Николаев лауреаттарга туһаайан тыл эттэ.  Кини үөрэхтээһин эйгэтигэр ситиһиилэр хас сыл ахсын өрөспүүбүлүкэ сайдыытыгар олус наадалаахтарын бэлиэтээтэ. Кини этэринэн, наҕараадаламмыт оҕолор уонна педагогтар киһини сөхтөрөллөр, билиилэрин хаҥаталлар уонна ону: “Бүгүҥҥү билиилэр хаһааҥҥытааҕар да наадалаахтар, тоҕо диэтэххэ, өрөспүүбүлүкэ билии, наука, бу каадырдары бэлэмниир учууталлар көмөлөрүнэн сайдар. Оттон биһиги учууталларбыт оҕолору үөрэтиигэ уонна дойдуларын таптыыр дьону, үөрэнээччилэри иитэн таһаарыыга улахан үтүө үгэстэрдээхтэр”, – диэтэ Михаил Николаев. “Билиигинэн – кыайыаҥ” норуоттар икки ардыларынааҕы истипиэндьийэни быһа эпиир кэмигэр уопсастыбаннай хамыыһыйа бэрэссэдээтэлэ Афанасий Ноев Арктикатааҕы норуоттар икки ардыларынааҕы оскуола 10 кылааһын үөрэнээччитигэр Вольдемар Другиҥҥа туттарда.  Кини нуучча тылыгар РСФСР үөрэҕиритин туйгунун Анна Васильева сырдык кэриэһигэр анаммыт нуучча тылын Бүтүн Арассыыйатааҕы олимпиадатыгар призерунан, химияҕа Бүтүн Арассыыйатааҕы үөрэнээччилэр олимпиадаларын эрэгийиэннээҕи түһүмэҕин медалиһынан, химияҕа ХИФУ үөрэнээччилэрин үрдүк үөрэх кыһаларын икки ардыларынааҕы аһаҕас олимпиадаларын кыайыылааҕынан, химияҕа Михаил Алексеев аатынан “Туймаада” үөрэнээччилэр норуоттар икки ардыларынааҕы олимпиадаларын призерунан буолбута.

Чурапчытааҕы гимназия 11 кылааһын үөрэнээччитэ Дуолан Ноев эмиэ наҕараадаҕа тигистэ. Кини “Науки юношей питают”, “Инникигэ хардыы” өрөспүүбүлүкэтээҕи научнай-практическай кэмпириэнсийэ дипломанынан,  “Большие вызовы” Бүтүн Арассыыйатааҕы куонкурус эрэгийиэннээҕи түһүмэҕин призерунан, Николай Лобачевскай аатынан үөрэнээччилэр Бүтүн Арассыыйатааҕы научнай кэмпириэнсийэлэрин медалиһынан, “Леонардо” айар көҕүлээһиннэр Бүтүн Арассыыйатааҕы бэстибээллэрин дипломаннарынан,  «Молодежь мира вызовам современного “Шаг в будущее” ийэ сир уһулуччу  өйдөөхтөрүн норуоттар икки ардыларынааҕы пуорумун дипломанынан,  Саха сирин наука аччыгый академиятын чилиэн-кэрэспэдьиэнинэн уонна дьиҥнэх чилиэнинэн, МАН уонна үүнэр көлүөнэ тус сыаллаах пуондатын гранын бас билээччинэн буолбута.

Айсулу Туркебаева Муусука Үрдүкү оскуолатын 8 кылааһын үөрэнээччитэ эмиэ Михаил Николаев истипиэндьийэтин лауреатынан буолла. Кини “Саха сирин саҥа ааттара” эдэр толорооччулар граҥҥа тиксэр өрөспүүбүлүкэтээҕи аһаҕас куонкурустарын кыайыылааҕынан, “Евразия талааннара” толоруу маастарыстыбатын Бүтүн Арассыыйатааҕы куонкуруһун бириэмийэтин лауреатынан,  “Розовая чайка” эдэр толорооччулар I уонна  II норуоттар икки ардыларынааҕы куонкурустарын лауреатынан, “Муусука кэмэ” Бүтүн Арассыыйатааҕы искусство куонкуруһун лауреатынан буолбута.

Бириэмийэҕэ педагогтар эмиэ тиксибиттэрэ. Ол курдук, Томпо улууһун Кириэс Халдьаайы учуутала Алена Сыромятникова наҕараадаланна. Наҕараадаламмыттар испииһэктэригэр Арассыыйа Улахан тыйаатырын ыччат оператын бырагырааматын концертмейстера Николай Дедукин  баар. Кини Саха сирин Муусука Үрдүкү оскуолатын бүтэрбитэ, Казаннааҕы судаарыстыбаннай консерватория стажера, концертмейстердар Бүтүн Арассыыйатааҕы куонкурустарын дипломата, толорооччулар норуоттар икки ардыларынааҕы куонкурустарын лауреата, РФ бэрэсидьиэнин талааннаах ыччаты өйөөһүҥҥэ бириэмийэтин лауреата, талааннаах ыччат ортотугар “Созвездие талантов” норуоттар икки ардыларынааҕы конкурус дипломана.

Дьулустан Сергеев, СИА

Хаартыска: тустаах саайтан

Лента
Салгыы
7 декабря
  • -42°C
  • Ощущается: -42°Влажность: 64% Скорость ветра: 1 м/с