Арассыыйаҕа бэнсиин сыаната үрдүө дуо?

Суоппардар долгуйбакка утуйуохтарын сөп. Арассыыйаҕа ньиэп бородууктатын саппааһа тиийэр, онон уматык сыаната үрдүүр эбэтэр тиийбэт балаһыанньата билиҥҥитэ суох. Ол туһунан Антимонопольнай федеральнай сулууспаҕа иһитиннэрдилэр диэн объясняем.рф саайт суруйар.

Ону таһынан, былаан быһыытынан ыытыллар ньиэби оҥорон таһаарар собуоттар өрөмүөннэрэ ис ырыынакка дьайыа суоҕа диэн эмиэ бэлиэтииллэр.

«Бу барыта мэлдьи учуоттанар. Үлэ былаанын бэлэмниирбитигэр ньиэп саппааһын эрдэттэн дьыл кэминэн арааран тэрийэбит», — диэн антимонопольнай сулууспа салайааччыта Максим Шаскольский этэр.